CHAPTER 22

2M 41.4K 10.8K
                                    

CHAPTER 22

Doctor siya kaya naman ng mapansin ni Krisz na araw-araw na siyang nagduduwal at nahihilo, parang alam na niya kung bakit ganoon palagi ang nararamdaman niya. But she still needed confirmation, kaya naman binisita niya ang OB-GYNE na nasa unang papalag ng hospital nila. Dra. Czarina Salem handed her a photo of her ultrasound. Ka-edad lang niya si Dra. Salem. "You're two weeks pregnant, Mrs. Wolkzbin. Congratulations."

Tinanggap niya ang larawan at pinakatitigan iyon. Napakagat labi siya habang nakatitig sa larawan. She felt like crying in happiness. Magiging isang pamilya na sila ni Train. Speaking of which, ano kaya ang magiging reaksiyon nito kapag nalaman nitong buntis siya?

Nginitian niya ang doktora na nag-ultrasound sa kanya. "Thanks, doc."

"Don't mention it." May ibinigay itong reseta sa kanya. "Bilhin mo ang vitamins na ito para sa baby mo. And then you should drink milk everyday para malakas ang resistensiya ni baby. Iwasan mo rin ang magpagod at magbuhat ng mabibigat." Kapagkuwan ay pilyang ngumiti ang doktora. "At uunahan na kita, okay lang na magtalik kayo ni mister hanggang seven months. Yung last two months ng pagbubuntis mo, kung maari lang, huwag na. Kantahan mo nalang ang pagkalalaki ni Mister." Kinindatan siya nito. "You know what I mean."

Mahina siyang natawa sa sinabi ng pilyang doktora. "Sasabihin ko po 'yan sa asawa ko."

"Okay." May pilya itong ngiti sa mga labi. "Anyway, we will have a check-up every three weeks. I'll be seeing you soon again, Mrs. Wolkzbin."

Nginitian niya ito at inayos ang damit na medyo nalilis pataas. "Thank you. Aalis na ako."

"Ingat."

Ngiti lang ang tinugon niya sa Doktora at lumabas na sa Clinic nito.

Nasa elevator na siya pabalik sa opisina niya sa top floor ng tumunog ang cellphone niya.

Nang tingnan niya kung sino ang tumatawag, napakunot ang nuo niya ng makitang si Boggy iyon.

"Hello, Boggy?" Aniya ng sagutin ang tawag habang nakakunot ang nuo. "Bakit ka napatawag?"

"Madam Krisz, tumawag ako kasi may pinapasabi si Boss."

Mas lalong lumalim ang gatla sa nuo niya. "Ano naman 'yon? Bakit hindi nalang siya ang nagsabi kanina bago siya umalis?"

Umalis kaninang umaga si Train patungong Russia dahil kailangan daw ito roon dahil may board meeting ang Wolkzbin Enterprise at kailangan present ito at kailangan niyang maiwan dahil hands-on siya sa pag-i-interview ng applicants para sa iniwang posisyon ni Marky, ang sekretarya niyang trinaidor siya.

Huling balita niya kay Marky ay sekretarya na raw ito ni Trina. Hay! Magsama silang dalawa na pareho mga higad. Basta siya, masaya. Bahala sila sa buhay nila.

Tumikhim ang nasa kabilang linya na nagpatigil sa kanya sa pag-iisip. "Kasi Madam Krisz, nakalimutan daw niya."

"Oh. Okay." Bumukas ang pinto ng elevator na sinasakyan at lumabas siya. "Ano pinapasabi niya sa'kin?"

"Ahh, Madam Krisz, pinapasabi ni boss na—" Tumikhim ulit ito. "Kung puwede raw po ay pumunta kayo sa opisina niya ngayon din at kunin niyo daw ang folder na nasa ibabaw ng mesa niya at i-fax daw sa kanya kasi importante raw."

"Bakit ako? Hindi pa puwedeng ikaw nalang?"

"Madam, nasa eskwelahan ako ngayon ng anak ko. Uma-attend ako ng family bonding."

"Oh. Sige, kukunin ko na."

"Salamat ng marami, Madam." Pagkasabi no'n ay pinatay nito ang tawag.

POSSESSIVE 3: Train WolkzbinTahanan ng mga kuwento. Tumuklas ngayon