الجن العاشق (القصص القصيرة)

الشر والظلام

توهمت بهم...
اعتبرهم اقرب الاشخاص.....
لكنهم قتلوني.....

صوت في اذني يقول لي تعال هنااا
نحن هنا

رحت اتبع هلصوت الي مداشوف صاحبه
لكيت درج عالي جدا مداشوف نهايته وين اصلا
وبديت اصعد
وكل مااصعد بايه تكبر الباية الي وراهة

ويكبر الدرج
بناء بطريقه غريبه

واني اصعد محد اكوا

لحد موصلت النهاية وهيا غرفه صغيره

بيهة شخص كاعد ملامحة كبيرة
ويمه اثنين اشخاص
شكلهم غير مألوف ابد

كعدت كدام هلشايب
كلي احجيلي شبيك

فبديت احجيله عن الي يصير بيه من كوابيس وحياة متوقفه والناس تبعد عني
واني متفرج بس
فجأة هلرجل طلع عصاا وحجة بعض الكلمات الي ماافهمهة
وطلع ضوة ابيض اتجه ناحيتي كمت اركض واني اركض اجه بظهري هلضوة
وكعت بلكاع
وكأن روح طلعت مني بلهواء
والاثنين الي واكفين اجوي ناحيتي بس شي غريب
همة ميمشوون همة بس يطيرون

المنظر الي جاان مرعب والاشكال بدت تتغير
ركضت واني انزل من الدرج الغريب الي كل بايه بيهة شكل
بايه كلش صغيرة وقديمه وقابله للسقوط
واكوا باية لاجديدة وكبيرة
واني اركض

شي لزم قميصي كل ضني لزموني
بس لكيت قفص صغير وقطعه من قميصي معلكة بي
جريت نفسي ودرت وجهي مرة حلوة ومرتبه
صارت كدامي صاعده
حاولت تسئلني بس اني نهزمت
هلمكان غريب

بقيت اركض ع الدرج
بس من نزلت شفت اكوا ناس كاعدين بنص هلدرج
الي صاير مثل البنايه
بكل تقاطع شفت مكان مثل الغرفه
من صعدت مجان هيج شكلة ابد

وصلت لنهاية هذا الدرج وحطيت رجلي ع طريق لكن تراب

وباوعت لكيت بحر وهذا الرمل مال بحر والبنايه من برة

اباوع عليهة مهجورة
والي يجي يمهة يشوف ان هيا مهجورة واذا احجي لاحد الي صار ميصدكني

ولاراح يصدك

كعدت ع رجلي وااني ابجي ومن ابجي قلبي يوجعني

محد اكوا من اهلي محد من اصدقائي

رفعت عيني لكيت بيبيتي ام امي جايه اتجاهي
وين ادور انت ماكوا كوم وين جنت
ابتسامه فوك الدموع انرسمت
وكأن اني بحالة استشفاء

وراهة رحت بتجاه الناس والبحر والنور والشمس
وبظهري الدرج المهجور الي قريب ع النهر

وكمية الرمل بدت تقل

واني امشي قلبي وجعني بشكل موطبيعي من البجي

اااخ

فتحت عيني
اباوع اني بغرفتي

وقلبي يوجعني معناهة اني جنت احلم
وهذا كابوس