عصفورة جرف (نساء من فولاذ)

البارت الثالث عشر

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸
البارت ١٣

ويــن تــنطي اضلــوع صــدرك
لو تعــت بيــك المحــنه.... ؟؟
ويــن تمـــشي وغـربتــك غنــت بــراسـك
ماڪـو مڪـتوب من اهلـنه...... !!

٢٠١٠ .........🏵
بداية الانهاية ......

...اشمر الطوبه هنا ،
لا انطينياهه ،
كرار كافي ،
انتي متعرفين تلعبين شسويلج
صالح شكد تراوغ ...

نبراس :يله يمه تعالو تعشو كافي لعب ،
يمه صيحي بكرررار ...

نبراس : يمه انتن كبرتن كافي لعب تعالن يله بسرعه .....

فيروز : دخلت للمطبخ ضايجة اني والماسة ، شفتيهم شلون يراوغون ..
الماسه : يمه مينطوني الطوبه ..
رحمة : شفتن كرار شلون ضربني برجلي والله اذاني ..

فيروز : دخل كرار وصالح يضحكون علينه ، كافي تضحك انت رجليك جنها لقلق ، منكدر عليك ، ضربني براسي واني عطت ، باااااااباااااااااا ...

ذوالفقار : شبيكم ، كافي عياط متكبرون كل واحد بطول البغل ...
فيروز : بابا كرار ضربني براسي ..

ذوالفقار : انت بعد شكبرك تصير الف مره كايلك لتمد ايدك على خواتك ..
فيروز : وكفت ورى ابوية واعيب عليه ..

كرار: بس شوفها شتسوي ، بس شوفها ضل دافع البناتك ..
فيروزة : ندار ابوية عليه وضحك واني سويت روحي البريئة الماكو مني ...

ريحانة : تعالي ننقل الاكل ، لا امي تصير عصبيه علينه ، تدرين كلشي ولا ولدها ...

فيروزة : اي والله ، المفروض هي اسميها خيزران مو امها ..

الماسة : هي غير امها ، كل ماتحجي خاله نجلاء تكول عليها جانت حيل ظالمة وهواي تفرق بين ولدها وبناتها ...

فيروزة : هاي طلعت امي عليها ..
رحمة : بلا كلام وامشن لتسمعجن ...
فيروزة : اي شواكع بجيسج انتي عيني جبيرتها مترضى احد يحجي عليج ...

رحمة : والله اني محترمه نفسي واسمع الكلام ، مو عنودية و اشلع قلب امي ..

فيروزة : اخذنه الماعين ، وخليناهن على السفرة ، كعدنه ناكل ونسولف ، ايامنه وحياتنا طبيعية ، حلوه انروح للمدرسة ونرجع للبيت ، كل واحد لاهي بدراسته ،
مشاغباتنه متنتهي ابد اخواني اكبر مني بهواي ، ابويه دائماً يوكف بصف البنات وامي ويه ولدها ...

... رحمة محايده بين ابوية وامي ، عاقله وهادئه واي شي تكوله امي الها هي تركض قبلنا ،
واكثر شغل البيت على رحمة وامي ، رحمة متقبل احنه نشتغل ، اتكول بعدجن صغار ،
واني اضوج من تكولي بعدج صغيرة ، مرات اشتغل بس شغلي مو هلكد هههههه ، لهذا اعتزلت عن الشغل وعفته عليهم ...