The Guy Inside Of My Bed (The Monster Inside Of My Bed Part II)

Lips Of An Angel

Allen's POV

Ano na nga bang nangyari? Ang alam ko lang isa iyong masamang panaginip na sa totoong buhay pala ay nangyari.

Matapos kung ihatid nun si Jessy di na ako muling bumalik sa bahay ng kaibigan ni Kristoff na si Kyle, alam kong pangit ang ginawa ko dahil hindi man lang ako nakapagpasalamat o paalam pero okay na din yun dahil alam kong doon ako unang hahanapin ni Jessy.

Una kong pinuntahan ay si Isabelle at doon nagsimula ang pagpasok ko sa pamilyang Resser at ang pagkilala kay Allen Resser Ford III.

Ang alam nila ako ang nawawalang anak ng pamangkin ni Lola Isabelle at ulila na ako. At dahil matagal ng nawala ang apelyedo ng pangalan namin ako na ang huli at natitirang Ford.

Gamit ang isang golden bar na palihim kong kinuha doon sa bahay kaya ako ngayon may sariling pera dahil ayoko naman umasa sa pera ng pamilya nila, alam kong kamag-anak ko sila pero sobrang layo na. Una kong ginawa sa perang meron ako ngayon ay ang ipaayos ang bahay namin at ang pangalawa ay ang gawin ang time machine.

Sa totoo lang di parin ako sigurado, gustong-gusto ko siyang gawin at talagang maiayos na para sa susunod na gamitin ko ito wala ng kumplikasyon na mangyayari tulad noong una ko itong sinubukan. Pero iniisip ko na kapag ayos na ito baka magdalawang isip ako na gamitin ito dahil kay Jessy.

Ayokong iwan siya pero gusto kong malaman ang lahat at maiiligtas ko ang pamilya ko kung babalik ako sa panahon kung saan di pa namin naiimbento ang time machine pero dahil wala na ang time machine sa panahong iyon paniguradong hindi na ako makakabalik kay Jessy ng tuluyan.

Pero hindi kasi maatim ng konsensya ko ang nangyari sa kanila. Hindi ko man nakita ng literal kung paano sila pinatay pero narinig ko ang bawat putok ng baril na alam kong tumama sa kanila. Tuwing pipikit ako napapanaginipan kong tumulo ulit sa mukha ko ang mga dugo ni Alexander. Kaya paano ako ngayon magiging makasarili? Paano ko pipiliin si Jessy kung sa bawat pagpikit ko bumabalik ako sa araw na iyon?

Hanggang ngayon nasasaktan parin ako sa ginawa ko kay Jessy noong gabing iyon.

Hinila ko siya at hinalikan matapos ay mahigpit ko siyang niyakap. Pinilit kong kontrolin ang nararamdaman kong plinano ko pa naman na walang reaksyon lang ako na makikipag hiwalay sa kanya pero ngayong kaharap ko siya hindi ko nagawa, hindi ko kaya dahil umiyak ako ng tuluyan sa kanya.

She is my weakness.

Matapos noon ay kumalas ako sa pagkakayap sa kanya.

"Allen maghihintay ako, hayaan mong maghintay ako sayo hanggang sa ako na mismo ang mapagod at sumuko" sabi niya habang umiiyak sa akin.

"Di ko kaya Jessy" sagot ko.

"Allen please, please, please Allen" mas lalo siyang umiyak.

"Shh!" ngumiti ako at pinunasan ang mga luha niya gamit ang mga daliri ko.

"Pumapayag na ako" sabi ko tapos ngumiti siya.

Matapos noon ay magkahiwalay kaming pumasok sa loob para walang makahalata.

"Allen!" nagising ako sa pag-iisip ng marinig ang boses ni Brix. Lumapit siya sa akin at itinaas ang kanyang nakatiklop na kanang kamay.

"Allen fist bump tayo" nakangiting sabi niya pero di ko naman alam ang mga sinasabi niya.

Ilang saglit kinuha niya ang kanang kamay ko at iniuntog sa kanang kamay niya.

"Ganyan ang fist bump, di mo ba alam? Batian yun" tanong niya kaya umiling ako.

"Ganun? Oh yan ngayon alam mo na" nakangiting sabi niya. Nginitian ko siya.