"ဝိုး! အံ့ဩစရာကြီး! ခင်ဗျားက တကယ်ကြီးပျံလာတာပဲ!"
ရွှီယွီက အမျိုးသားကိုလေးစားမှုတို့ဖြင့်ကြည့်သည်။
အမျိုးသားက သူ့မျက်လုံးတွေကို နဉ်ရှုဆီမှာပဲတွယ်ငြိနေစေရင်း မေးလိုက်သည်။
"မင်း ဘယ်နေ့၊ ဘယ်အချိန်မှာမွေးလာတာလဲ?"
ဒီကောင့်ကိုကြည့်စမ်း! သူက သူမမွေးရက်ကိုမမေးခင် နာမည်လေးတောင်မမေးဘူး။ နဉ်ရှုက ရွှီယွီ့ကို သူမနှင့်အတူဆွဲခေါ်ကာ နောက်ကိုတစ်လှမ်းဆုတ်ရင်းဆို၏။
"ဒါက လျှို့ဝှက်ချက်ပဲ။ ရှင်က ကျွန်မကို ဗူဒူးအရုပ်နဲ့ပြုစားဖို့မေးတယ်ဆို ဘယ်လိုလုပ်မလဲ?"
အမျိုးသား : ...
ထို့နောက် နဉ်ရှုက ရွှီယွီနှင့်အတူပြေးလေ၏။ သူမ နောက်ပြန်လှည့်ကြည့်လိုက်ချိန်၌ နတ်ဆိုးဂိုဏ်းချုပ်က သူမတို့နောက်ကလိုက်မလာဘဲ ရွှင်မြူးနေသည့်အမူအရာဖြင့် သူမကိုကြည့်နေသည်အားတွေ့လိုက်ရသည်။
သူမတို့ ဝါးအိမ်လေးဆီပြန်ရောက်ချိန်၌ နဉ်ရှုက ရွှီယွီ့ကိုပြောသည်။
"အဲ့လူက အရမ်းအန္တရာယ်များတယ်။ နောက်ဆို သူ့အနားရှိနေရင် သတိထား။"
ထို့နောက် သူမက ရွှီယွီ့အတွက် ရိက္ခာအတော်များများပြင်ပေးကာဆိုသည်။
"နင်တစ်ယောက်တည်း ဒီမှာရှိနေတဲ့အချိန် ဂရုစိုက်။ နင်နဲ့အတူ အဆိပ်နည်းနည်းလည်းဆောင်ထား။ အန္တရာယ်တစ်ခုခုနဲ့ကြုံရင် အဆိပ်သာသုံးလိုက်။"
နဉ်ရှုက သူ့ကို ထိုမျှများပြားလှသည့်ညွှန်ကြားချက်တွေပေးနေတာကိုမြင်လိုက်ရချိန်၌ ရွှီယွီမှာ မကောင်းသည့်စိတ်ခံစားချက်များရလာပြီး နဉ်ရှုရဲ့အင်္ကျီလက်ကို စိတ်လှုပ်ရှားစွာဆုပ်ကိုင်၏။
"ဘာလို့လဲ ဆရာတူအစ်မ? အစ်မ တစ်နေရာရာကိုသွားမလို့လား?"
"ဘာမှမဟုတ်ပါဘူး။ ငါလည်း ခရီးတစ်ခုထွက်ရတော့မှာ။ နင့်ကိုယ်နင် သေချာဂရုစိုက်။"
နဉ်ရှုကပြောသည်။
မူလဇာတ်ကြောင်းမှာတော့ နတ်ဆိုးဂိုဏ်းချုပ်က နတ်ဆေးသမားတော်ကို သူ့အတွင်းဒဏ်ရာတွေကုသခိုင်းဖို့လာရှာခဲ့ပြီး မုယန်မုန့်ကို သဘောကျသွားခဲ့သည်။ မုယန်မုန့်က ယင်လ၊ ယင်နေ့၊ ယင်နာရီမှာမွေးမှန်းသိသွားချိန်၌ သူက မုယန်မုန့်ကို မဆိုင်းမတွပင်ပြန်ပေးဆွဲသွားတော့၏။
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
Chapter - 116
Start from the beginning
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)