" ကျွန်တော်တို့ နှစ်ယောက်က ဖာပန်းဒေါင်းရွာက လာတာပါ ကျွန်တော်တို့ လက်ဖက်မွှေးအိတ်လေးတွေ ရောင်းချင်လို့ပါ ''
ဆရာလေးထီရန်က သူ၏ဘေးလွယ်အိတ်မှ လက်ဖက်မွှေးအိတ်နမူနာလေးကို ယူပြီး ထိုအစ်မကိုပြလိုက်ရာ လောင်ထယ်ကလည်း ထိုဆိုင်မှ ပစ္စည်းတွေကို ကြည့်နေလေသည်။
" ဒီမှာ နမူနာလေး တကယ့်ပစ္စည်းက ဒီထက် ပိုလှတယ်နော် ''
" အို့ မောင်လေး ဒါမျိုးက အစ်မတို့ဆီမှာ အများကြီးရှိပြီးသား မောင်လေး တစ်ခြားဆိုင်တွေကို သွားပြကြည့်ပါလား ''
" အစ်မကလည်း အစ်မတို့ဆိုင်မှာ နေရာလွတ်တွေ အများကြီး ရှိနေတာပဲ ကျွန်တော်တို့ လက်ဖက်မွှေးအိတ်ကို တင်ပေးလို့မရဘူးလား ''
" ... ''
" နော် ကျွန်တော်တို့ကို ကူညီပါနော် ''
" ..... ''
" ကိစ္စမရှိပါဘူး အစ်ကိုရယ် တခြားဆိုင်ကို သွားကြည့်ကြတာပေါ့ ''
လောင်ထယ်က အဲသလို ဆရာလေးထီရန်ကို ပြောလိုက်ရာ ဆိုင်ရှင်အစ်မက
" အော် နင်က မောင်လေး လောင်ထယ်
မဟုတ်လား ''
" အစ်မ ကျွန်တော့်ကို သိတာလား ''
" အင်း မှတ်မိတာပေါ့ အစ်မ မင်းတို့ရွာလာလည်တုန်းက မင်းပဲ အစ်မရဲ့ဂိုက်လုပ်ပေးခဲ့တာလေ
အစ်မတို့ မင်းနဲ့တောင် ဓါတ်ပုံရိုက်ထားသေးတယ် နေဦး ခဏလေးပြမယ်.... ချစ်ဖို့ကောင်းလိုက်တာ ကြည့်ပါဦး ''
" သြော် မှတ်မိပြီ မှတ်မိပြီ ''
ထိုအစ်မက အဲသလို လောင်ထယ်နဲ့ ရင်းနှီးနေသလို ဖြစ်ပြီး ဓါတ်ပုံပြလိုက်ရာ လောင်ထယ်က မှတ်မိသွားပြီး ထိုအစ်မကို ဆရာလေးထီရန်က
" အစ်မ ဒီလက်ဖက်မွှေးအိတ်တွေက လောင်ထယ်တို့ရွာက ထွက်တာနော် ပြီးတော့ ဒါက လောင်ထယ် ကိုယ်တိုင်လုပ်ထားတာ ဟုတ်တယ်မို့လား လောင်ထယ် ''
" ဟုတ်တယ် အစ်ကို ''
" တကယ်လား စောစောကပြောရောပေါ့ ''
အဲသလို လောင်ထယ်ကို သဘောကျသလိုလို ရှိသည့်အစ်မက လောင်ထယ်ကို မြင်မှ ထိုလက်ဖက်မွှေးအိတ်ကို ဝယ်ထား၍ ဆိုင်မှာ တင်ရောင်းခွင့်ပြုလိုက်လေသည်။
ВЫ ЧИТАЕТЕ
A Tale Of Thousand stars
Любовные романыဤဇာတ်လမ်းသည် မကြာသေးမီက LINE TV တွင် ပြသထားသော G-MM tv production မှ ရိုက်ကူးထားသည့် ဇာတ်လမ်းတွဲ ဖြစ်ပါသည်။ ဤဇာတ်လမ်းကို ပြန်လည်ပြီး ထိုဇာတ်လမ်းအတိုင်း ရေးထားခြင်း ဖြစ်ပါသည်။ ကြယ်တစ်ထောင် ပုံပြင် A Tale Of 1000 stars ဇာတ်လမ်း အကျဉ်း...
A Tale Of Thousand stars Chapter - 6(B)
Начните с самого начала
