The Poor Female Lead Can't Take Anymore!(Realm-5)[Myanmar Translation]

YOU ARE READING

Random

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...

#action-adventure #comedy-drama #historical #ningshu #romance #system #transmigration #wuxia

Chapter - 105

Start from the beginning

by Dancing_Breeze

သူမ၌ ဝါးအိမ်လေးအနားမှာ နေ့တိုင်းရစ်သီရစ်သီလုပ်နေဖို့ကလွဲပြီး တစ်ခြားရွေးစရာမရှိတော့ပေ။ နတ်ဆေးသမားတော်က သူမကို အတော်လေးသဘောမကျပုံပေါ်ကာ အမြဲတမ်းလျစ်လျူရှုထား၏။ သို့သော်လည်း သူမက အရေထူကာ ရစ်သီရစ်သီဆက်လုပ်နေလေ၏။

"ဆရာ၊ ဆရာ၊ ကျေးဇူးပြုပြီး ဒီတပည့်ကို လက်ခံပေးပါ။ ဒီတပည့်က သေချာပေါက်ကြိုးစားသင်ယူပြီး ဆရာ့သင်ကြားပေးမှုတွေကို ယူဆောင်လို့ လူ့လောကကြီး ပိုအဆင့်မြင့်တိုးတက်လာအောင် အသုံးချမှာပါ။"

နဉ်ရှုက မရပ်မနားစကားပြောနေ၏။

နတ်ဆေးသမားတော်က နဉ်ရှုဆီ ဆေးမှုန့်တစ်ချို့ပစ်လိုက်သည်။ နဉ်ရှု နှာချေလိုက်မိပြီးနောက် သူမတစ်ကိုယ်လုံး အားပျော့သွားတော့သည်။ ဒါက ဟိုက်ပိုဂလစ်ဆိုင်းမား(hypoglycemia)နဲ့တူတယ်လို့တွေးမိတာကြောင့် သူမပျာယာခတ်သွားပြီး မြေကြီးပေါ်ကို မလှုပ်မယှက်လဲကျသွားတော့သည်။

[T/N : hypoglycemiaဆိုတာက သွေးတွင်းသကြားဓာတ်လျော့နည်းတာပါ။ သူ့လက္ခဏာတွေမှာ အားပျော့တုန်ယင်တာ၊ မူးဝေတာစတဲ့လက္ခဏာတွေပါတာမို့ နဥ်ရှုက အဲ့လိုတွေးလိုက်တာပါ။]

"ဆရာ၊ ဆရာ တပည့်ကိုအဆိပ်ခတ်လိုက်တာလား? ဒါက ဒဏ္ဍာရီလာဆယ်မျိုးစပ်အကြောအားပျော့ဆေးမှုန့်လား?"

နဉ်ရှုမှာ လက်လေးတစ်ချောင်းလှုပ်ဖို့ပင် အားမရှိတော့ချေ။ သူမ နည်းနည်းကြောက်သွားသည်။ အခုနေများ သူမကို တစ်ယောက်ယောက် တွန်းလှဲလိုက်ဖို့ဆုံးဖြတ်လိုက်ရင် သူမ ဘာလုပ်ရမလဲ? နတ်ဆေးသမားတော်က အရမ်းအေးစက်ပြီးစိတ်မဝင်စားတဲ့ပုံပေါ်ပေမယ့် သူက ယောက်ျားတစ်ယောက်ဖြစ်နေတုန်းပဲလေ။ ဒီခန္ဓာကိုယ် ဘယ်လောက်လှတယ်ဆိုတာရယ်၊ အမျိုးသားဇာတ်လိုက်နဲ့အမျိုးသမီးဇာတ်လိုက်ကြားက ဆွဲငင်မှုရယ်နဲ့ သက်တော်စောင့်အစ်ကိုကြီး အနားမှာမရှိတာတွေပါပေါင်းလိုက်ရင် တွန်းလှဲခံရနိုင်ချေက 100.00%ပဲ၊ အား။

[T/N : ဒီအဆိပ်က အရောင်မရှိအနံ့မရှိပါ။ ပထမဆုံး လူတစ်ယောက်ကို အားပျော့ပြီးမလှုပ်နိုင်ဖြစ်သွားစေပေမယ့် နောက်ကျ ကောင်းမွန်မွန်ပြန်လှုပ်ရှားလာစေနိုင်ပါတယ်။ ဒါပေမယ့် အတွင်းအားတော့ မသုံးနိုင်တော့ပါဘူး။]