اسيرة قدرك

البارت 26

-رفع راسي من حضنه ويباوعلي بقهر مسح
دموعي وباس عيوني رفع العباية من يم رجليه تحملي حبيبتي صاح بفارس وجهه التبريد عليها ما تشتوفها تلوب..

-طلع جهازه و اتصل على ماجد واسمعه يحجي
ويا بعصبيه.. عبالك اعديها الك بس اصبرلي
سافل اني الك..

-غلط عليه هواي و من عصبيته مبين اكو
شيء جبير مسوي ماجد حرت مدري افكر
بهذا شمسوي وهيج اسر عصبي عليه مدري
احير بالم رجلي..

-وصلنا للمستشفى و نزل اسر جابلي كرسي
متحرك و خلاني بي دخلنا وهو عصبي
و الموجودين ما يتحاجون ضل اسر يصيح
عليهم و عصب على الطبيب و تكامش ويا..

-احجي ويا صوتي ما يطلع من التعب فارس
كال مو هيج ابو مهرة على كيفك..

-الطبيب شافني.. هاي لازم قسم حروق تاخذها
اني راح انطيها ابره مسكن و الفها الها بين
ما تروحون..

-اسر صاح على الممرضة هي لفتلي الشاش
و طلعنا خليت راسي على صدره و الوب والله
الم ما ينحمل وذول كل شيء ما سوولي
هو مسد على ظهري و يحجي ويا فارس..

-اطلع بينا لمستشفى اهلي ذول ما بيهم
خير واحد راح يشمرنا على الثاني وهاي راح تموت اخذنا فارس و عالجوا الحرق الي وانطوني
علاج ورجعنا الفرع جان متروس ناس
و شرطة اسر كال لفارس دخلها السيارة
للكراج مالتكم..

-دخلنا و هو نزلني ساندني.. اشيلج لو تمشين..

-لا اني امشي..

-انقهرت على حديقة اهلي صايرة رماد والمطبخ
محروك هو شافني تنهدت و انقهرت كال..

-لا تنقهرين كله عليه اني ان شاء الله ارجعها
الكم مثل ما جانت وحتى بناء المطبخ عليه..

-فدوه الك المهم محد صار عليه شيء اسر
بيع ذهبي ما يصير كله عليك شتصير انت
بيتنا وبيت اهلك نوب طلعت هالسالفه..

-اش ابد ما اريد اسمع منج هذا الكلام
ذهبج الج يبقى ديري بالج تعيديها يجي..

-اتقربنا و اسمع اصوات اخواني يحجون
اول ما دخلنا اجه عمر ركض ضرب اسر
و دفعه بقوة..

-هنا اسر تخبل ضربه و مدده بالكاع و يضرب
بي وعمر يصيح.. من وراك بيتنا احترك
ادبسز ****  اهلك امنت عليهم و مصايبك جايبها لهنا علينا لو صاير شيء على اهلي..

-اخواني فاككوهم و ما رضوا على عمر
بابا دفع عمر.. فوت جوه فضحتنا بصوتك
ما تستحي..

-شافني و اجه ركض عليه اختي الجبيره صاحت
بي.. والله اذا مديت ايدك عليها اصيح على اسر
وتعرف شيسوي بيك هي شعليها حجتها بصوت
مسموع..