حسام:لسه الوقت بدري
-اتأخرت والله لازم امشي بعد دا
=خلينا قاعدين وبنتونس
-لو عايزني اقعد معاك زياده تعال البيت وبنقعد مع بعض العمر كلو
=منو دا البجي البيت😂انت بتهظري صااح
-حسام هسي دا موضوع يهظرو فيو😑انت مش ليك ساعه بتحكي لي عن حبك
=اي بحبك واي شيء لكن اكيد ما متخيله اني في يوم ح اتقدم ليك وابقيك مرتي تبقي وهمانه والله😂
-حسام انت بتقول في شنو💔كيف يعني بتحبي وما ح تجي بيتنا تتقدم لي...اديني سبب واحد يمنعك
=انت ما شايفه عينك دي عامله كيف ولا ما بتشوفي نفسك في المرايه كل يوم هسي انت بت مع البنات الحقيقه مستحيل في يوم اتقدم لي وحده زيك وابقيها مرتي
-انت راكبك شيطان كلامك بتبدل في الدقيقه ميه مره
=يابتنا خلاصه الكلام انا بحبك اي لكن اصل البيت دي ما تحلمي بيها
-وانت مسمي دا حب يعني وعايزاني اقتنع بيو
=انت لي بتعقدي المواضيع فيها شنو لو حبيتيني
-احب كيف وانت بتعايرني بي عيوبي في وشي وما راضي تجي لي ابوي ولا شايفني بليق اكون مرتك لو عايز تكذب على نفسك بكلامك دا انا ما بقدر اكذب على نفسي ومع السلامه لمن تبقى راجل وتعرف الحب ابقى اتكلم معاي قمت منو وانا ممغوسه شديد من فهمو العقيم وحسيت قدر كيف كنت غبيه لمن اعجبت بيو صحي ما اي زول فاهم الحب💔
"""""""""""""""""""""""""
روان:سمرا مالك نايمه هنا
-ما انتبهت على نفسي انت جيتي متين
+هسي دخلت
جات ختت يدها في جبهتي
+يابت انت محمومه كدا مالك
-ماف شيء طلعت في الشمش(ما بعرف اقول شمس😂)هسي باخد حمام وببقى تمام
+اخت ليك تاكلي معاي
-لا ما جيعانه
شلت بجامتي ودخلت الحمام اخدت لي دش لمن طلعت لقيت عزة قاعده
روان:صحي الكلام السمعتو دا
-ياتو كلام
عزة:ابوك جاء اتكلم مع ابوي وقال ليو احمد عايز يجي يتقدم لي وروان ما راضيه تصدق
-صااح الكلام مخلوعه لي
روان:احمد جنا ولا مالو
عزة:وجنا لي عشان عايز يعرسني
روان:احمد مستحيل يعرس وحده غير سمرا
-ماف شيء مستحيل يا روان اي حاجه في الدنيا دي ممكن تحصل
الجزء 26
Начните с самого начала
