( يا صباح الرعب الساعه ٦ و على المقيمين خارج مدينه الرعب المحافظين على فرق التوقيت، درجه الحراره في الضل ٢٥ و ده كويس علشان الزواحف و احتمال يبقى جو هايل للكسل في السرير او النوم او اقولك الأحسن عمل تمرينات للمخوافاتيه اصححححي يا شاااااااالبي)
ايه : يا بنتي اقفلي الزفت ده مش عارفه انام.
نور : حاضر حاضر هقفله يباااي هو في احلى من أن الواحد يصحى على صوت مارد وشوشني
ايه: لا ده انتي الكرتون لحس نفوخك مدرسه ادي بس يا ربي ده انتي الي دخلك تربيه هيتشوي في نار جهنم.
نور: طب شهلي يا اختشي شويه علشان منتاخرش عشغل.
(نور فؤاد عندها ٢٣سنه بنوته حلوه بشرتها قمحاويه و عنيها لون حبوب القهوه و شعرها نفس الكلام لكنها تغطيه بالحجاب الذي يزيدها جمالا و زي ماقالت ايه البيست بتاعتها انها خريجه كليه تربيه و بيشتغلوا سوا في نفس المدرسه عندها روح مرحه و بتموت في الهزار بس جديه جدا في المواعيد.
ايه ايمن البيست بتاع نور و في نفس سنها جمالها ميقلش عن نور و ديما متأخره في مواعيدها كل مره لازم تتهزأ من نور بسبب تأخرها)
خرجوا سوا من شقتهم اه مانا نسيت اقولكم انهم من محافظة بني سويف بس عايشين في اسكندريه بسبب شغلهم......... خلينا نكمل وقفوا تاكس عشان يوصلهم للمدرسه بعديها بشويه وقت وصلو.
صباح الفل : ده كان صوت زميلها مصطفى
نور و ايه : بصوت واحد صباح النور
لسه هيتكلم سبوه و مشيو
نور: انسان سئيل
ايه : يا بنتي حنى ع الواد شويه مش شايفا هيموت عليكي ازاي
نور : انسى انا قلبي مقفول بالضبه و المفتاح لسه مجاش الي يهد حصونه و يملي قلبي و عيني و عقلي
ايه : و هيجي ازاي و انتي مصدره الوش الخشب لأي دكر معدي
ترررررررررررررررررررررن
نور : و انا يا اختي نقطينا بسكاتك يلا الجرس ضرب و انا ورايا الحصه الاولى يلا باي
ايه: باي هشوفك في البريك
نور و ايه ليهم أصدقاء تانين كتير اعترفوا عليهم لما جم اسكندرية ( و ائل، نهى، حسن، محمود لمار و لما ودول تؤام هنتعرف عليهم كلهم في الأحداث الجايه.
#مجنونتي 🤭
في وقت البريك
نور كانت ماشيه في كوردور المدرسه متجها لاوضه المدرسين و فجاء شاشة تلفونها تضئ باسم تبع الحنان اخدت نفس عميق ثم أجابت
نور: يا صباح الورد يا ست الكل
تهاني مامت نور : بصويت مرنتيش عليا ليه يبنت الجذمه قبل ماتروح الشغل مش ليكي ام تطمنيها عليكي
نور : متزعليش يا نبع الحنان بس كنت مستعجله و بعدين انتي مضايقه على شان متقبلتش العريس مش عشان مرنتش عليكي عيب عليكي يا تهاني انا فهماكي كويس على العموم انا هنزلك الويك اند ده باي باي دلوقتي عايزه الحق البريك. كانت ستكمل طريقها الا ان قاطعها هذا العاشق الولهان مصطفى
مصطفى : نور عايزه اكلمك في موضوع مه
نور: قاطعته و هي مستمره في المشي و بلهجه لا تقبل النقاش قائله مش عايزه اعرفه و فتحت باب اوضه المدرسين حيث تجلس صديقتها ايه
ايه : مالك يا زميكس مطلعه الوش ١١١ ليه
نور : زهقت ابرعي
قرصتها ايه من يديها الله يخرب بيتك مش قولتلك متقوليش برعي تاني
نور : خلاص يااحجه قلبك ابيض المهم انا زهقانه و عايزه اغير جو انا هكلم الشله و نخرج سوا ايه رايك
ايه : اشطا
بعد كام ساعه نور كلمت الشله و اتفقو يتقابلو في كافيه على النيل و قضوا و قت رائع مع بعضهم و طبعا الخروجه لا تخلو من قلشهم الرخيص طبعا بعدها كل واحد عاد لمنزله
بالمناسبه نسيت اقولكم ان وائل مش صديق نور و بس ده كمان يبقى ابن خالتها عنده ٢٩ سنه مهندس ري و بيشتغل في الصعيد و نور بتعتبره اخوها الكبير
(في شقه ايه و نور):
نور بقالها يومين مش عارفه توصل لوائل كل ماترن عليه يعطيها نفس الرد ( الهاتف الذي تحاول الاتصال به خارج نطاق الخدمه) بدأت تقلق جدا لان كل يوم كان بيكلمها
ايه : نور نور نور يا نوووووووور
نور: ايه يا كلب البحر بتزعقي ليه هو انا في الشارع
ايه : اديلي ساعه واقفه جمبك و انتي و لا حاسه و بعدين قلقانه كده ليه و هو وائل ده عيل صغير اكيد مشغول و مش فاضي يشوف الموبيل اهدي كده
و فجأ و هما بتكلموا سمعوا جرس الباب بيرن فا بصوا لبعض واستغربوا ان الساعه ١٠ مين هيجلهم دلوقتي
نور لبست طرحه و راحت تفتح بصت من العين السحريه شافت ٣ رجاله واقفين على الباب و لبسين لبس شبه الصعايده
نور: مين انتوا
واحد منهم: افتحي يا انسه عايزين نتكلم معاكي بخصوص وائل ابن خالتك. نور اول ماسمعت اسم وائل مترددتش ثانيه و فتحتهم الباب
نور : خير مالو وائل حصله حاجه هو فين.
واللهي ده سؤال احنا المفروض الي نسالوليكي قالها شخص من ورائهم بغضب.
اهدا يا ليث وانتي يا بنتي هنفضل نتكلم على الباب و لا ايه
نور: اسفه اتفضلو
دخلوا داخل المنزل ونور ابقت الباب مفتوح
هتف كبيرهم و هو الحاج وهدان باللهجه الصعيديه
الحاج وهدان لنور: قعدي يا بتي هدحدتو معاكلي بموضوع، انا الحاج وهدان كبير الوهدانيه و جيت من الصعيد عشان تعرف مكان جريبك
هتفت نور : اعرف مكانه ازاي مش هو في شغله في الصعيد انا بقالي يومين بحاول اوصله بس تلفونه خارج الخدمه.
صاح ليث بغضب : انتي هتستعبطي يا بت انتي أقرب واحده ليه يعني هكلمك انتي
هتفت نور: بت لما تبتك يا كلب البحر انت و انت عبيط يلا بتزعقي في بتي ده انت يومك اسود انهارده ( جون سينا في نفسها 😂)
هم ليث ان يرد الا ان قاطعه الحاج وهدان قائلا لنور :
اسمعي يابتي جريبك عما عامله واعره جوي وفيها جطع رقاب و دم قص لهم الحاج وهدان الحكايه كلها و بعد ان انتهى اخبرهم انه سوف يأخذهم معه الصعيد حتى يظهر وائل.
ايه و نور بصوا لبعض هما الاتنين و بصوت واحد هتفوا: اييييييييييييه مستحييييييل😳😲
يتبع.
# مجنونتي.
يا ترى ايه المصيبه الي عملها وائل؟
و نور هتوافق انها تروح معاه ولا لا؟
و الي إلقاء في البارت الجاي من مجنونتي
YOU ARE READING
مجنوننتي
Mystery / Thrillerهو صعيدي قاسي القلب لم يسمح للحب بان يدخل حياته. هي جريئه متمره لا تسمح لاحد بان يتحكم بها و لا تعطي ثقتها لاي احد و خصوصا الرجال. القدر سيجمع بهما في ظروف قاسيه فهل ستنجح في اخذ قلبه و تجعله ملكا لها و هل سينجح هو في اخذ ثقتها و يحطم غرورها. # م...
