عصفورة جرف (نساء من فولاذ)

البارت السابع

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸🕊
البارت السابع

هلگد ما أحبك خلص حتّه الشوگ
ما أحبك گمت من كثر ما أحبك

الشيخ : مبروك الزواج ، بالرفاه والبنين ..
جعفر : مشكور شيخنا ..
هديل : باوعت بعيون جعفر وبجيت ، لزم ايدي وابتسم ...

🔅حطوا أجدامي اعلى خيط
وكالوا اليوكع يموت ...

قبل كم ساعة ......

هديل : نص الليل واني كاعده ابجي ، احس روحي محترگة ، اندك الباب على كيف ، كمت مسحت دموعي ، وفتحت الباب ، طلع كرار ، ها كرار شتريد ، وليش منايم الحد هسه ..

كرار : جعفر كعدني ، ودزلج هاي الرساله ..
هديل : اخذتها وفتحتها ، كاتب بيها ، اختاري بين ثنين ، لو اني لو اهلي ، اني انتظرج براس الفرع من الجهه اليمنى ، كدامج بس نص ساعة
، باوعت الكرار ماشي حبيبي روح نام..

...سديت الباب و باوعت للساعه ب ٣ ، شنو اسوي ، اررح واجي بالغرفة وافرك بيدي ، باوعت مضل وكت ، اقل ال١٠ دقايق ، جبت جنطة صغيرة خليت بيها كم حاجة ، اخذت جنسيتي وشهادة الجنسية ، وطلعت على كيفي ، وصلت للباب البرا ، لبست حذائي ، وطلعت اركض ،
حركت السيارة كمت اصيح ، جعفررر ، اووكف ، جعفرررر ، وكفت السيارة نزل من السيارة واجه يركض عليه كبل حظني ، والله ماكدرت اعوفك ..

جعفر : كلت مراح تجي ، اخذت الجنطه من ايدها يله امشي بسررعه ورانه طريق ..

هديل : وين راح انروح ..؟
جعفر : الكربلاء ..

هديل : يله امشي ، الطريق طويل نمت ، كعدت على صوت جعفر وهو يكعدني ،
نزلنا نمشي ، قبة الامام العباس عليه السلام صارت كدامنه ، وصلنا المكان كاعد بي شيخ وثنين زلم سلم عليهم جعفر واحد منهم شايفته بيتنا بس معرفته يعني شكله مو غريب
عقد النه السيد سألني موافقه كتله نعم موافقة ، عرفت هذا الرجال عم جعفر بس كتله وكلتك نفسي ، وكعدت ليغاد منهم كمل السيد عقد ، و طلعنه هذا عم جعفر ابو رضا بقى ويانه ،اشترا كم حاجة ناكلها ، مشينا بطريق بغداد، وصلنا البيت
صغير ، دخلنا اني وجعفر للبيت ، وعمه اخذ السيارة واتفق ويا بعد ساعه نطلع ...

جعفر : جوعانه ، هاي اللفات خل نكعد ناكل ...
هديل : اي ، كعدنه وناكل سوى اني ابد مباوعت بوجه حيييل مستحيهممنه ، اول مره بحياتي
اصير ويه رجال بيت واحد ، حيل خفت هو حس عليه ، ترك الاكل وراح غسل اني هم كمت غسلت ورجعت كعدت على القنفه ، اجه كعد بصفي ...

جعفر : هديل ، شبيج خجلانه مني ، اني صرت زوجج بعد شيلي هل خجل بعد ، باعي بوجهي مو احجي وياج ..