أبو رعب

مقدمة

( أبو رعب )
.. بقلم نــورس

جان يحجي وصوتة الجهوري احسة اخترق نياط قلبي ودخل لأعماقها .. قبل ليدخل بخطواتة للديوان .. من اسمعة چن اسمع اغنية تطرب مسامعي

من بين كل الموجودين اكدر اميز صوتة وهو يحجي .. وفجأة !! جان يدخل بطولة الفارع هيبتة وعطرة سابقينة .. وهيئتة المرعبة اللي عودني عليها واللي ياما جنت ارجف منها
..
سرحت بمعانية وبحدة حاجبة اللي مثل سلة سيف .. وعيونة اللي ياما تهت بيهن وما كدرت افهم شتخفي .. شماغة اللي لافة لفة عمانية ودشداشتة اللي دوم يفتح اول دكمتين من المقدمة ويبين علو صدرة

جانت عيوني على ذاك الوشم .. جانت امنيتي اعرف شنو المكتوب

رفعت راسي اباوعلة .. شفت عيونة متشكلة علية ، ابتسملي بطرف شفتة ابتسامة جانبية تكاد ان تبين بسبب ملامحة الصارمة .. جانت ابتسامة وشعور قلب ما ينوصف چن روحي كامت من جديد وگلبي نبض نبضات چني ملكت الدنيا ..

اتعدة الكل وكام يتقدم بخطواتة بأتجاهي .. دكات گلبي احس الكل صار يسمعهن من قوتهن .. صار كدامي ودنك وجهة علية بجرأة كدام الكل بحيث متفصلنة غير سانتيمات ويهمس بأذني

: وعلى وكفة اللبوة تنبح الف چلبة

رفع عيونة يباوعلي واني ارمش بعيوني بغباء .. فهيت على نظراتة

.. مــــو ؟

ضليت اباوعلة صافنة هزيت راسي بسرعة ب اي اتعداني وطخ بچتفي .. چن يكول شمي عطري .. وصوت ضحكاتة تتخلل لأذني .. درت وجهي اباوعلة وهو يطلع ويختفي من انظاري ..
...
ااخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟

ما يدري أني احبة .....(قريباً)

❄❄❄❄❄❄

_قصة جديدة تبدي بعديد من الرحلات ما بين طفولة ، حب ، جبروت وكبرياء .. حثبتها بحسابي من يصير عليها تفاعل انزلها ..
.. رأيكم ؟