بسم الله الرحمن الرحيم اللهم صل على سيدنا محمد وعلى اله وصحبه اجمعين
زين والقمر الجزء الثاني بقلمي دودو محمد ✍️✍️
★★★★★★★★★★★★★★★
أسر دخل ب لميس الشقه. اللي هي أصلا فوق شقه باباه
أسر : خطي برجلك اليمين يا عروسه
لميس : دا بجد ..!
أسر : اللي هو إيه
لميس : يعني في اعتقادي. إن العروسه بتدخل بيتها أول يوم. جوزها شايلها. ولا دا في الأفلام بس
أسر : لا يا حبيبتي متتفرجيش علي أفلام هندي كتير. انا واحد شقيان وطالع. عيني مفيش فيا حيل أشيل ادخلي ياما
لميس شالت فستانها ودخلت. بغيظ وهو مبتسم أوووي وأول ما قفل الباب. راح شايلها وهي صرخت من المفاجأة
لميس : يلهوي خضتني يا أسر نزلني
أسر بغمزه : مش كنتي عايزه تتشالي برده ؟
لميس بسخرية: دي بتتعمل لوحدها مش بالطلب يا دكتور
أسر اتكلم وهو رايح ناحيه أوضه النوم : يعني إنتي عايزاني. أشيلك قدام اللي كانو واقفين بره دول كلهم. بعيدا عن إني فعلا إتحرجت أعمل كدا. بس فين هيبتي. هيبه الدكتور. طارت يا لوما
أسر نزلها علي السرير وهي قالت
لميس : طب انا هدخل أغير ونتعشي وننام
أسر بتهكم : أها هنام ....دا إحنا هنام نوم ..هنعوض اللي فات
لميس : طب أخرج علشان أغير
أسر : هساعدك في فك. الطرحه الأول
لميس بارتباك : أسر الله
أسر بحماس : بلا أسر بلا بتاع دي واحده من أمنياتي أساعدك في فك طرحتك وأشوف شعرك مش كفايه مرضتيش توريهولي. بعد كتب الكتاب
ساعدها فعلا في فك الطرحه. وهي وشها أحمر و عايزه تعيط من كسوفها انفكت الطرحه. وأسر باسها علي جبينها بوسه طويله
وقال : شعرك جميل يا لميس.
لميس : يعني عجبك
أسر : جدا ليه بتقولي كدا
لميس : يعني علشان. قصير و ...
أسر :دا واصل لنص ضهرك وبسم الله ما شاء الله تقيل وناعم. مش هيعجبني في إيه دا روعه. يا لوما
لميس : فكرت انك. بتحب الشعر الطويل
أسر : مفكرتش في الحكايه دي قبل كدا ومجاش علي بالي أصلا إني أحب شعر بس اللي أعرفه إني حبيت شعرك ...انا هخرج أغير. ولو احتاجتي مساعده نادي عليا
بعد شويه كان أسر خلص ودخل المطبخ يشوف لي أكل
لقي صينيه متوضبه. ومليانه شالها. أخدها للسفره وهو بينقل الأطباق خرجت لميس
وهو شافها. وتنح
لميس وقفت قدامه : احم ...مش هناكل
أسر : دا احنا هناكل وهناكل وهناكل
لميس بارتباك : نعم
أسر : امم .. اتفضلي
وقعدوا هما الاتنين ياكلو. وأسر مرفعش عنيه من طبقه سابها تاكل براحتها. علشان لو بصلها أفكاره هتتغلب عليه وهيشيلها ويدخل. اوضتهم دلوقتي. هو مش عايزها. تخاف منه خلص أكل. وهي لسه بتنقنق وبتلعب بالاكل عرف انها شبعت
أسر : قومي نصلي ركعتين
هزت راسها وقامت معاه
صلو هما الاتنين وحط إيده علي رأسها وقال " اللهم إني أسألك خيرها وخير ما جبلتها عليه وأعوذ بك من شرها وشر ما جبلتها عليه
لميس بارتباك : تصبح علي خير
أسر شدها عليه وهمس : هصبح عليكي
لميس : أسر سيبني عايزه انام
أسر : م احنا هنام
ونسيبهم بقا كفايه كدا
