أحببت أهتمامك _رواية قصيرة

"الجزء الثامن"

أحببت أهتمامك _ هاجر مجدى

(ما قبل قبل الأخير)

صلى على النبى الأمين ﷺ

.................

تقدم كمال من نادر وشد يده من يد أبنته بحدة وتحدث بحزم:ملكش أنك تمسك إيدها..ولا أنت نسيت إنك متجوزليهاش يا نادر أفندى..عاملى فيها قيس وقاعد تقولى غزل فى ليلى حضرتك وأنا قاعد..طب أحترمنى شوية مش كدا!!

نادر بتوتر وقلق من أن يرفض عمه طلبه وتشيد بينه وبين محبوبته العقبات:يا عمى أنا..

قاطعه كمال بحدة:ششش بلا عمى بلا بتاع أنت خليت فيها عمى!

صفاء بغيظ وحدة من هجوم كمال على وحيدها:جرا إيه يا كمااال مالك يا خويا فى إيه نازل دب وهبد فى الواد هو الواد قال إيه غلط ده جاى وطالب الحلال..والبت بنتك الموافقة هتنط من عينيها..صحيح على رأى المثل أنا راضى وأبوها راضى مالك ومالهم أنت يا قاااضى!

نظر كمال إلى صفاء للحظات بدهشة ثم نظر لأبنته التى تخفض رأسها بحزن شديد من أعتراض والدها،تدخل حمزة بمرح لتخفيف حدة الموقف وربت على أحد كتفى نادر بثقة مضحكة:جرا إيه يا ولدى..جرااا إييييه يا ولدى..بقا ده عايز له تفكير طويل بالشكل ده يعنى أنت متعرفش نادر ورجولته..ده حتى تربيتى!

كمال وهو ينظر إليه بأزدراء وأستنكار:ماهو ده اللى مقلقنى يا حيليتها

أنكمشت ملامح حمزة وحك مؤخرة رأسه بأحراج:أحم أحم هى وصلت لأهانة لا أتفضل شوف شغلك بقا أنت أب وأدرى بمصلحة بنتك "كان بيقلد أداء أكرم حسنى😂"

همس نادر من بين أسنانه:بياع ووصولى حقير

همس حمزة بقلة حيلة:الكرامة واحدة ملهاش بديل

أمير من خلفهم بفضول:أنتوا بتقولوا إيه!!

حمزة بأبتسامة باردة:شيبسى وكراتيه

أمير بعدم فهم:إيه!!

نادر بأبتسامة مستفزة:قلبظ بجنيه

أمير بغيظ:أنتوا عاملين عليا إفيه!!

حمزة بضحكة متعجبة:عرفتها لوحدك يا أبن الإيه!!

كانت ندى تجلس تنظر بشفقة على ما يحدث لأخيها وصديقتها روان من معارضة عمها وتنقل نظرها بأستفهام إلى صفاء التى مائلة على سعاد تهمس لها بكلمات وسعاد يبدو بأنها تفكر فى حديثها بجدية ما أنتهت من الأستماع حتى حركت رأسها مراراً وتكراراً وهى تهم بالنهوض:خلاص خلاص هقوله