حكايتي مع الزمان

البارت الثالث عشر

فلاح //هااااا يممممة خير انشاء الله
بدت بعدنة ماگلنة حلوول
هاا واراهنج انو هي مافهمت شي من كلامنة ابد بعدها خام كلشي ماكو
ام فلاح //عوجت حلگها 😏😏ماعجبها الحجي
عود نشوف يللة اني رايحة (شالت الصينية وطلعت)

فلاح //گمت نزلت مندر ثاني من فوگ الكنتور ومديتة بصف المفروش يم الجرباية وفتحت الكنتور طلعت جرجف كتلها ريمة هاج افرشي هاي الفرشة على المنادر

ريم //انطاني فرشة فرشتها فوگ المنادر وعدلتها هو نزل مخاد وخلاهن وجاب جرجف كبير خلا يم الرجلين ونزع دشداشتة وبقة بالسروال والفانيلا وطفة الضوة
اني صرخت لالالالا اعلگة اخاف من الضلمة حبااااب

فلاح //احترك يومج فضحتينة اسكتي راح اعلگة
صدگ صارت ظلمة سادين البردات وهي ثخينة ردت اروح اعلگ الضوة
انردمت بريم هي حضنتني وترعش مثل السعفة وتبجي
ولج شبيج ليش تخافين اني مو يمج امشي وياي رحت علگت الضوة الاحمر (گلوب نوم)
وجريتها يللة امشي نامي هسة مو ظلمة نمت على الفراش وهي نامت بالطرف الثاني
فلاح //اگوووول اشو بعيدة باجر امج تجي الصبح شنگللها

ريم //شنگللها يعني غير اهلا وسهلا شلونج
فلاح //ههههههههه بس ما علموج شي عن ليلة الزواج عن هاي وطلع الوصلة البيضة
بيبيتج باتت اهنا حتى تاخذها الصبح وتروح لاهلها

ريم //اني مافهمت كلشي منة)) شنوو يعني وشتسوي بيها بيبي عدهم هواااي َوصل ابيتهم

فلاح //عرفت هي ماعدها اي فكرة عن هاي الشغلةوخايفة مني
فكرت لو اريد اخلص الشغلة هسة احتمال يصير بيها شي عفتها بس جريتها بحضني گتلها نامي
ومنا ورايح هاي نومتج على ذراعي

ريم //مو حرام وعيب انام هيج يمك؟؟ 🥺🥺

فلاح //خررررب 😂😂😂😂
لا مو حرام ولا عيب اني زوجج وبعدين انتي نايمة بالروب حتى مانازعة ديللة نامي والصباح ربااح

ريم //نمت على ايد فلاح الصبح سمعت الباب اندگت فتحت عيوني شفت فلاح صافن بوجهي اني من غير كلام حطيت ادية على عيوني وسديتهن 🙈🙈🙈🙈

فلاح //😂😂صباح الخير ياحلوو يللة گومي بدلي راح يجن نسوان عليج

ريم //گمت لبست دشداشة وفتحت الباب
ام فلاح //صباح الخير شلونكم هذا ريوكم حطت الصينية بالگاع اني طلعت للمغاسل غسلت ورجعت تريگنة اني وفلاح وهو طلع واني رحت سبحت واجت ام رفل بنت عم فلاح مكيجتني لبست فستان اسود وبي نقش ذهبي تعلاگة وفوگة بليرة من نفس القماش

فلاح //طلعت رحت يم ولد عمامي بالمظيف الخارجي وهمة استلموني صفگ وغنة والي يحشش علية لان كلي لماعي من شعر ريم وسووني فلم واني بس اضحك

كامل ابن عم فلاح //هااا بشر حمامة غراب؟؟
فلاح //انجب انت شنوو ماعليك لا  تسأل 😤😤

وليد //اكيد غراب باين من شكلة 🤣🤣🤣🤣

كامل //لا ولك ماشفتة شلون فلس محمد ابن جيرانة من جاب طاريها خلا بس العظام 😂😂😂

وليد //ادري بي سبع اكيد فصيل حمام ماتشوفة يلمع من فوگ لجوة 😂😂😂

فلاح //خررب بغيرتكم ولكم راح اعوفكم والله اذا ماسكتوو

ريم //للضحى اجت امي واخوتي كلهم الزغار بس كرار ضل يم ابوية
تمنيت تشبگني تگلي اشتاقيتلج بس لا حياة لمن تنادي اجت حالها حال الغربة گعدت تسولف وتظحك
اني نعست حيل محد يسولف وياي ودوخة سوالفهن تسطر گمت بدون حجي صعدت على الجرباية ونمت وعفت النسوان گاعدات 😂😂
وهنة استلمني التگول حقها تعبانة من الليل والي تگول مسهرها فلاح واشكال حجي بس مافهمت منهن شي
بقت بيبي يمنة 7ايام واني كل يوم فلاح ينيمني على ايدة ونغفة
يوم السابع گاعدة بالغرفة دا ارتب ملابسنا هجمت علية ام فلاح

ام فلاح //انتي ليش - - - - - - - - - - - - - - - - - - - - - - - - - إلى اللقاء بالبارت القادم تقبلو تحياتي الكاتبة والناشرة ام ماهر الكربلائية

ََ