أحببت أهتمامك _رواية قصيرة

"الجزء الخامس"

أحببت أهتمامك _هاجر مجدى

: رائيها فى إيه؟!!

نطق بها نادر وهو يقف أمام باب الغرفة التى كانت مفتوحة بالفعل..

نظروا جميعاً إليه وكان ما يسود الجو العام هو التوتر..

:إيه يا جماعة سكتوا ليه..عايزين تاخدوا رأى ندى فى إيه؟!

كانت ندى فى قمة قمة الخوف والخجل هى لا تعلم لماذا شعرت بهذا الكم من الخوف ولكنها أرتعدت بمعنى الكلمة..وروان أيضاً لم تكن بحال أفضل فـهـى لا تعلم رد فعل نادر عندما يعلم،نظرت لشقيقها بخاشية عليه.. من أن يتحطم فؤاده، بينما وقف أمير بتأهب غير مبالى ظاهرياً ولكن بداخله الخوف يتأكله ليس على نفسه لكنه يخشى رفضهم هذا.. لحقيقة مشاعره لــزهــرتـــه.

تحدثت صفاء وهى تحاول كبح غيظها من ذاك المدعو بالأمير..

:البيه قاعدلى جنب أختك من بدرى يأكلها شوية ويمسحلها دموعها شوية ولا كأننا قاعدين..ولما جيت أكلمه..بجح فيا وبيقولى فين العيب فى أن واحد يأكل خطيبته ويديها الدواء..الأستاذ خطبهالى وأنا قاعدة..!!

نظروا جميعاً لنادر يحاولوا يستشفوا ردة فعله ولكنه كان ينظر لأمير بجمود..نطق أخيراً

:أمير تعالى ورايا!

وغادر الغرفة ذاهباً لغرفة المعيشة وكانت لها باب دلف وترك الباب الخاص بها مفتوحاً منتظراً قدوم الأمير..ذهب خلفه أمير وهو بمظهر يغلبه الثبات والثقة رغم التوتر الذى بداخله ولكنه لا يخاف شئ أكثر من فقدان ما يحب ما بالك بزهرته عشقه الطفولى..دلف وأشار له نادر بأن يجلس على الكرسى الذى بجانب كرسيه..فهم عليه أمير وفعل ما طلبه وجلس وهو مترقب لقادم..نطق نادر وهو يرفع نظر إليه..

:الكلام ده أكيد صح لأن مرات عمك مش هتكدب.. صح ولا إيه؟!

حرك رأسه بمعنى نعم..

:أيوة صح..أنا بحب ندى أختك وهتجوزها لما أتخرج.

ضحك نادر بصوت عالى وهو ينظر إليه بعدم تصديق..

:بتحبها ماشى يا سيدى مقولناش حاجة..بس هتجوزها!! يعنى أنت منين جالك اليقين أن أنا هقبل أجوزك أختى!وهى!! تعرف منين إذا كانت موافقة!؟ إنت أتكلمت معاها فى حاجة؟!

بأندفاع:لا..لا متكلمتيش معاها فى حاجة وهى متعرفش إلا.. إنهاردة

كانوا يتحدثون وهم غير مدركين بتلك التى تخترق السمع وهى تقف خلف الجدار لأن الباب كان غير مغلق بالكامل..

نادر أبتسم بتعجب وتحدث بهدوء..

:كمان؟؟ يعنى مثلاً قول موافقتى أنا وأمى مش مهمة مثلاً عندك مثلاً يعنى..طب و رأى العروسة اللى هى أختى.. إيه!! مش واكل معاك فى حاجة!! مش همك!! منك لنفسك كدة عايز تجوزها!!