سنيسفــيــورم ❤️🌹
بقلــــم " محمــد مالــك "
الحلقــه " التاسعــه و العشــرون الــ 29 "
________________________
حطـت ع راسـه الكمـادات
تهانـي. : اسامـه وليـدي شن حالـك توا؟
اسامـه يتـكلـم بكـلام مـش مـعروف و مفتـرش و مـعاش يبي يسـكـت
بلقيـس بخـوف. : اسامـه 🥺" و تهـز فيـه بايدهـا. "
خديجـه. : شوره يحلـم ممكن من الحـراره
تهانـي تحـط فالكمـادات. و تعصـر. : قتـلا نخطمـو ع المستشـفئ يعناد يمـوت عالعنـاد هـالولـد
بلقيـس شـدت ايـد اسامـه و بـدات تقـرا فالقــران و مع القـران سكـت و هـدا.
تهانـي. : شن صارلـه هـالولـد منيـن مـرض زعـما. ؟
خديجـه. : ولله ي تهانـي قبل ساعـه كان كويـس جي و نـظف قـدام الحـوش و مشـي جابك و وقت روح هـذا حالـه لين استـغربت!
تهانـي. : شن نظـف قدام الحـوش؟
خديجـه: قال فـي اميـه قـدام الباب ريحتهـا معفنـه نظفهـا
تهانـي باستغـراب. : منيـن جت ! سيـقو الجنـان البنـات
خديجـه. : لا
تهانـي. : العفــو
ابـرار شبحتـلهم. : مـرات حـد مبزعهـا و هـو خاطـم ولا حاجـه
تهانـي. : هـالخامريـن هـادو 😡
بلقيـس كـانت تشبحـلا و تقـرا فـالقـران و اسامـه كـان كلـه عـرق مع بعضـه
الاء جابـت،بطانيـه. : نغطيـه زعـما. ؟
تهانـي. : اي هاتـي حطيهـا عليـه لكن رجليـه. خليـهم برا
خديجـه. : زعـما كلـي حاجـه بعد ما طلع
تهانـي. : مـش عارفـه هو ياكل برا هلبـا و اني اعيت و ني انقولـه ماكلـه الشارع عفـن
خديجـه. : الشبـاب كلهـم هكي ي تهانـي مش هـو بس
تهانـي. : صـرف فلوس و خـلاص
الاء: اسامـه مريض وتهـدرزي ع ماكلـه الشارع ي ماما!
تهانـي. : نبر نعرفـو سبب مرضـه حتـئ نتـكلمو تحـاسبو فينـا الطـف
مـلاذ مقعـمزه جنـب راسـه. و تشـوف فـ حرارتـه
تهانـي شبحتـلهـا. : نحــي ايــدك
مـر الوقـت و قعـدو كـل شويـه،يشوفـو فيــه ليــن نـزلـت حرارتـه 🌹
فتـح اسامـه اعيونـه ع اذان الجامـع و كـان الصـوت قـوي لان بحـداهم الجامع
تلفـت شبح لـ بلقيـس راقـده و لابسـه بدلـة الصـلاه و المصحـف ع طاولـه و مـلاذ راقـده ع حافـة الصــالون
قعـمز و هو حـاس بصـداع قـوي حـط ايديـه ع راسـه و ولـى يكــح
بلقيـس فتحـت عيونهـا. : اسامـه. " و قربـت منـه.! : كيـف حالك توا ؟
اسامـه. : باهـي احسن من قبـل
بلقيـس: شن تحـس؟
اسامـه. : صـداع راسـي 😫
بلقيـس. : حـرارتك هـذا وين نزلـت
اسامـه. : اذان الفـجر الاول هذا. ؟
أنت تقرأ
سنيسفيورم
Romance#سنيسفيورم شعور الغيرة !؟ يقتل البنى ادم وهوا حي ! شئ قدام عيونك ومش قادر توصله ! تشوف فيه كل يوم وتعرف انك تخسر فيه معا الوقت حلم حياتك وحب حياتك ! مش عارفة نوصله مشاعري خائفة من رد فعله ! مرات نخسره للابد لو اعترفت ولا شن حيكون شعوري لو طلع حب من...
