^الفصل الرابع ^
.................
_وبعدين هتفضلي كده كتير ؟؟
قالها طارق الذي دلف لتوه الي داخل الحجره التي تجلس بها اميره .. رفعت انظارها اليه قبل ان تتحدث بوجع : عارف يا طارق .. انا مش واجع قلبي قد انه كان عارف اني بحبه وبردو اشترك معاها في انه يدمرني ومهتمش بيا .. مهتمش بالجرح اللي سببه في قلبي يا طارق !
انهت حديثها وصوتها بدأ يتحشرج من فعل الدموع التي تجمعت داخل مقلتيها واخذت تهدد بالنزول في اي لحظه ولكنها تأبي ان تبكي من اجله .. هو لا يستحق دموعها تلك فهو لم يبالي بها من الاساس إذا لما البكا عليه !
نظر طارق اليها بأٍي قبل ان يقترب منها متحدثا بصوت رخيم : انتي عارفه انهم قالبين الدنيا عشان خاطر جناب الاميره اللي مختفيه عنهم ديه .. والله لولا انك قولتيلي مقولش لحد يا اميره لـ كنت ..
قاطعته مسرعه : اوعي يا طارق .. اوعي تقولهم .. انا مش عايزه اقابلهم علي الاقل دلوقتي متندمنيش اني استعنت بيك .
حرك كتفيه باستسلام وهو يتحدث : وعلي ايه يا ستي .. اديني قاعد ساكت اهو .. بس تعرفي برغم كل ده انا مبسوط
نظرت اليه بدهشه من جملته تلك فأكمل هو : اه والله انا مبسوط .. لأنك عرفتي واعترفتي اخيرا ان ليكي اخ .. صحيح مش شقيق ومن الاب بس لكن في الاول والاخر اسمي اخ وانتي اقتنعتي بوجودي بعد ما كنتي رجعتي اصلا لـ سحر هانم بسببي .
شردت بخيالها وهي تتذكر عندما اتي اليها طارق مُنذ سبع سنوات وهو يخبرها انه شقيقها الاكبر ويتوجب عليه البقاء معها .. تذكرت انها نهرته بشده من حديثه ذلك فـ أخبرها هو ان والدها كان متزجا قبل والدتها وقد كانت والدته .. ولكن لم تنجح تلك الزيجه فـ انفصل عنها وتزوج بوالدة اميره ولكنه لم يعترف لها بوجود ابن لديه من كليقته ليبقي سراً لديه ...
ضحكت اميره بتهكم قبل ان تردف : اديني اعترفت بـ أُخوتك وانك اخويا الكبير .. ياريت بقي تقدر حاجه زي ديه .
ضحك طارق بمرح حتي يزيل ذلك الحزن الذي تملكها : اقدر اكتر من كده ايه يا عالم .. ده انا عشان مقدرك ومقدر انه جوزك .. كان زماني روحت اديته علقة موت هو وعيلته كلها علي اللي حصل فيكي .. بس متكلمتش عشانك تقدير ده ولا مش تقدير يا هانم !
ضحكت اميره بانتشاء علي حديثه فـ احتضنها هو بحنان اخوي قبل ان يردف بنبره صادقه: انا معنديش اغلي منك يا اميره حتي من قبل ما انتي تعترفي بوجودي في حياتك .. لأنك ببساطه اختي الصغيره وواجب عليا حمايتك حتي لو انتي اعترضتي .. متعرفيش ان حسيت بأيه في المكالمتين اللي انتي اتصالتي عليا فيهم .. اول مره وانتي بتقوليلي اني وصلتك للي انتي فيه ده ورميتك .. تعالي هنا يا بت اا رميتك امتي ؟
تقوس فم اميره وهي تردف بتوتر : كنت متعصبه ومخنوقه ومش عارفه بقول ايه .. وبعدين ماانت قولتيلي ساعتها عايزه تمشي امشي .. يعني رمتني !
