من أنت .. وميمو .. ولفى بيا يا دنيا

لفى بيا يا دنيا ❤10

لفى بيا يا دنيا ❤ 10
سبحان الله والحمد لله ولا إله إلا الله ولا حول ولا قوة إلا بالله العلى العظيم ... اللهم صل وسلم وبارك على سيدنا محمد وعلى آل وصحبه أجمعين صلاة تنحل بها العقد وتنفك بها الكروب
❤❤❤💙💙💙💚💚💚💛💛💛💛💛💛
نائل : مالك مراتك  لها فديوهات فعلا ...
باسل بتوتر : أستنى يا نائل شويه ..  ما تسئلنيش على حاجه دلوقت انا ها انزل اقعد فى العربيه من ورا وأنت سوق  العربيه
نائل : طيب ولا يهمك قوم انزل ولو فى حاجه إكسر الكارت عشان خاطر إبنك دى بردو أمه 
باسل هز راسه وبص لنائل : تأكد ان حتى لو فى حاجه ها يبقى غصب عنها انا عارف مراتى وأخلاقها .. مفيش ولا مره شكيت فيها انا شكى انه يكون جبرها على حاجه عشان عارف انها خايفه منه
نائل : طب ليه أتسرعت وروحت لها عكيت الدنيا
باسل بغضب وحزن : عشان مش متعود انها تخبى عليا حاجه وخصوصا لو حاجه حساسه زى دى انت عارف حجم المصيبه إلا دخلنا فيها .. طيب متخيل لو كان الواد دا كمان طلع وسخ وشير كمية البلاوى دى كان ها يبقى فى كام فضحيه وبيت ها يتهد وإلا كام واحده ممكن اهلها يقتلوها او تنتحر  وانا وهى وسمعتنا ومكانتنا .. الموضوع مش بالباسطه إنى أسامحها أو أروح أقول لها معلش أنتى كنتى خايفه علياااا فا مسامحك .. دانا زعلان قووووى
نائل : طيب قبل ما تشوف أى حاجه لو طلعت فعلا مظلومه ونضيفه  ها تعمل ايه ...  يعنى فى بعض الفديوهات فيها مقاومه وهو قاصص منها ومركب وهكذا  .. الواد دا مش سهل ... انت بقى ها تصلح إلا هببته إزاى
باسل مسك راسه : أنت عارف أنا بقيت حاسس ان دى مش راسى لا قمبله ها تنفجر من التفكير .. لو مظلومه والله لأروح ابوس ايديها عشان تسامحنى بس هى لازم تعذر انها حطتنى وحطت نفسها فى موقف صعب وكله شك ما ينفعش تقولى ما تشكش ... ازاى أثق فى بنى بالقذاره والانحراف دا واقول انه معملش بدال الحيله عشره عشان يوقعها فى فخ وسخ ...  عشان تكون تحت أمره بعد كدا .. انا نازل وانت اطلع بالعربيه  عشان الواد المتكلبش فوق  ليتصرف  ويفكها ويهرب ...  يدوب  نلحق زفت الطين التانى اكيد بيجهز نفسه يهرب عشان الموضوع كبر
نائل هز راسه : فعلا
باسل نزل ركب ورا وبدء يفتح الفديوهات واحد ورا التانى وصوت ضحكه جايب أخر الشارع إلا ماشين فيه
نائل بضحك على ضحكه : ما تضحكنى معاك هى فديوهات نكت وإلا إيه
باسل : أستنى يالا أقف ووقف نزل قعد جمبه .. بص مراتى عامله فى أمه إيه وفتح أول فديووو ... لولو واقفه على باب المكتب بتاع عاطف ونسمه جمبها
فلااااش باك
********
لولو واقفه : أستنى شكله مش هنا أوعى تمشى  خليكى معايااا
نسمه : ابو شعره ساعه تروح وساعه تيجى مش هناااا ياله سيبك منه دكتور براس كلب
لولو بتزق الباب بايديها وهى بتضحك وحست إنه ورا الباب وبعزم ما فيها زقته لازقته فى الحيطه وبتفعصه بالباب ... وترجع وتقوم زقه الباب تانى وتخبطه فى وشه وهو مش قادر يطلع من ورا الباب ..، وطلعت تجرى هى ونسمه وبتقول مش هنا مش هنا
************
نائل : 😂😂😂 هو مستخبى ورا الباب ليه واخد بالك انه حاطط كاميرا ومستنيها اصلا  إبن ال.... وكاميرة المراقبه بتاعت المستشفى ..
باسل : هو مش أهبل أكيد معطلها عنده عشان يعمل إلا هو عايزه معنى كدا كان مستنى مراتى واول ما تدخل يقفل الباب مثلا وإشمعنا هو مكتبه فى حته رايقه كدا
نائل : أكيد مستنيها ... عشان البلاوى يعنلها براحته  ... بس بقولك إيه  البت إلا معاها دى مسخره ..، أكيد خدت جزا او نقل بعد الكلمتين دول
باسل : لولو وواحده معاها إلا تم نقلهم هى قالتلى  ممكن تكون هى ليه لاء
نائل : ورينى الباقى كدا
باسل فتح فديو تانى لولو راحه المكتب وداخله تقول
فلاش باك
********
لولو : دكتور عاطف .. دكتور .. والباب أتقفل وهى إتخضت ولفت بسرعه راحه على الباب زقها لجوا ... انت بتقفل الباب ليه انت مش ها تحترم نفسك أنا سكت عليك كتير والمره دى مفيش حاجه ها ابقى عليها
عاطف بيشاور بأيده : ها أعمل معاكى ديل وإهدى ... ها اوقف نقلك بس بشرط تلينى معايا وتمشى الأمور بينى وبينك وصديقنى ها اخليكى الكل فى الكل أنتى ما تعرفيش انتى بالنسبه ليا إيه
لولو بتشمر إيديها : أنا إلا ها أعرفك انت بالنسبه ليا إيه ومسكت حديده من على مكتبه مكتوب عليها أسمه وطارت وراه فى المكتب نزل تحت المكتب وهى طلعت فوقه كان فى حاجه على شكل طبق بردو كاتب عليها اسمه مسكتها وفضلت تضربه على راسه وتقول صدقت نسمه لما قالت عليك دكتور براس كلب انا كدا كدا منقوله ومش هامننى تعمل ايه ولو فكرت تعمل حاجه ها أفضحك اسفوخس عليك يانتن  ... وسابته وخرجت بسرعه 
باااااك
******
نائل بيضحك : ههههههه .. اقسم بالله مراتك دى بميت راجل ولا همها حاجه ... تقريبا دا اخر فديو لها بينها وبينه
باسل بيضحك ومبسوط : اه فى خمسه غيره بتقف تكلمه من على الباب وتمشى ما بتدخلش وواضح انه كل ما ينصب لها الفخ تخيب معاه
نائل : واضح جدا بس حلوه العلقه إلا خدها منها جدعه .. حد يزعل العسل دا
باسل : حبيبى يا نائل انت بتعاكس مراتى يا أمووور مش ها نخلص بقى 
نائل بيضحك وبيشاور : لا والله حتى وهى بتتخانق واضح ان دمها خفيف هى والكارثه التانيه
باسل اتنهد : أطلع عايز اجيبه وأعرفه مقامه قبل ما نبلغ فى البلاوى إلا وراه
نائل : والكارت
باسل بصله : بالله عليك نمسح اى حاجه ممكن تهد بيوت وتدمرها .. إن الله حليم ستار .. انت ماتعرفش النار إلا كانت قايده فيا واهى مظلومه
نائل : وإفرد إلا بتعمل كدا بتعمل بمزاجها وفى مغفل فى البيت
باسل : بقولك إيه ربنا ما بيفضحش غير إلا بيصمم وما بيبعدش عن غلطه  زى الوسخ دا  .. بس اعمل حساب حتى لو واحده مظلومه وسط دول يبقى سترنا عليها ... ويمكن غيرها وغيرها تتوب وأهو بردو سترنا عليها ..  واساسا إلا وراه غير البلاوى دى تجيب راقبته فى حبل المشنقه ... اطلع .. أطلع
*****************
لولو خرجت من الحمام ودخلت أوضتها قاعده ساكته خالص ومش راضيه تاكل او تتكلم فى حاجه ...
لاما : وبعدين معاكى انتى عايزا يجرالك حاجه وقعدت جومانا جمبها شالتها على رجلها وبتضمها بايديها ..
لولو : خلاص مش عايزا اتكلم فى حاجه تعبت وعايزا أرتاح ها نعمل ايه بالكلام ...
زينب داخله بالشاى عليهم وناولت لولو ولاماااا : مانتى لازم تفهمينى كل حاجه وإيه كبرر الأمور كدا بينك وبين جوزك إمال ها نتكلم معاه ازاى
لولو بصت لأمها : إتقفل باب الكلام بينا وبينه ها أطلق مش ها أسمح له انه يكمل معايا بأى شكل
زينب بخضه : يالهوى للدرجه يابنتى ... لاء يا لولو فى واد بينك وبينه لو الموضوع يتصلح ليه لاء لو نقدر نعاتبه ونرجعلو عقله ليه لاء
لولو بزعيق وعياط : مفيش حاجه بتتكسر وبتتصلح دا قفل كل المواضيع وأختار نفسه ... نسى إبنه ونسى حبى وأرفى واد إيه أستحملت عشانه كتير وبتنطر إيديها وقاااال تظ تغور دى جابتلى العار من غير ما يتاكد او يفهم ... اااااه على الظلم يارب والنفوس الجاحده إلا عرفتها كلها فى حياتى ليه كله بيلطش فيااااا من غير رحمه ومن غير ما يحسو إنى بنى ادم وليا طاقه وبحس ..
جومانا بصت للولو وبصت للاما ومدت بوذها وقالت بخوف
جومانا : مامى ... إهئ إهئ إهئ .. عيط يا مامى
لولو ضمتها جاااامد وحطت راسها عليها ودموعها بتنزل أكتر ..
لاما : يا حبيبتى يا لولو برغم كل إلا جواكى بس أكيد فى حاجات حلوه كتير ممكن نفكر فيها ونبقى عليها
زينب : يابنتى انا قولتلك وبقولك تانى انا فى ضهرك بس تهدى بيتك ليه وعشان ايه
لولو : عشان بيشك فيا ليه ما أعرفش وبتفرد إيديها  ... شايف انى لما خوفت عليه خونته ليه ما أعرفش ... بصووو خلاص انا كرهته
لاما بتحاول تخرجها من الجو : طب عينى فى عينك كدا ..، مش دا بسبوسه حياتى ياعين
لولو عيطت أكتر : اااااه قلبى بيوجعنى قوى أول مره اعرف يعنى إيه قلبك يوجعك من حد بتحبه ..
زينب عيطت على عياطها ولاما ماقدرتش تمسك نفسها وعيطت هى كمان .. والباب اتفتح وسمعو النحنه وابوها دخل وعمر الشقه وبينادى عليهم زينب قالتله انهم فى الأوضه و دخل ..  وعمر استأذن ودخل هو كمان ...
صبحى بقلق : مالكم ... خير انا خلاص اعصابى سابت .
زينب : لولو وباسل متخانقين وعايزه تطلق
صبحى : الله أكبر .. الشر برا وبعيد ليه كدا
عمر : انا ها اروح أعرفه ازاى يزعلك والله لأروح له ووقف يفكر .. بس اروح فين
لاما ابتسمت وبصت له : دايما متسرع
عمر : انتى عارفنى يا قلبى ما بتحملش الظلم
زينب بهمس : يا مرارتى يانى
صبحى : أستنى يابنى أفهم فى إيه ... فى ايه يابنتى مانتو كنتو زى الفل ..
لولو اتعدلت وبدئت تحكى لأبوها من ساعة ما كانو فى المشفى لحد ماراح لها الشقه وكلهم قاعدين متنحين من التطورات والعك إلا من كل الأطراف وخصوصا بجاحه عاطف وكدبه ..
صبحى على صوته : لا حول ولا قوة إلا بالله ... لا حول ولا قوة إلا بالله ... سمعتى يا زينب قولتلك خليها تعرف جوزها ..  هى غلطت لما سابته للشك يعمى قلبه وبصره
عمر : انت صح ياعمى .. المفروض كان عرف وعلى صوته وضربه الكلب الحيوان لازم يبقى شرس .. بس انا مبسوط انه ضربه برافوووو عليه
صبحى بصله : انت بتقول ايه
عمر بيدخل ايده فى بعض : طب دلوقت ها نبلغ الشرطه وإلا نسيبه
صبحى : نبلغ فى مين وبيهز دماغه ..، اسكت يابنى أما اشوف حل للمصيبه دى
لولو : الطلاق هو الحل
عمر بيشاور بصباعه على لولو : أنتى صح احنا نفرقع عرق ونسيحه
صبحى بعصبيه : يابنى اصبر حرام عليك ... يابنتى ما يبقاش احنا الغلطانين من الأول ونأزمها أكتر هو لو عرف انك مظلومه ها يسيبك دا باسل جدع وراجل وبيحبك هو الشيطان دخل بينكم نطرده وإلا نفتح الباب وندخله 
عمر على صوته : ايووووا صح يا عمى ايه الدماغ دى نطرده طبعا
صبحى لف له : وبعدين معاك ما تهدى بقى جننت الشيخ فى الجامع تحت وها تجننى هنا
عمر قام اتنفض وبيشاور على برا : قومى يا لاما عمى شكله مدايق من حاجه ومش طايقنى
وكلهم بصو له وتنحوووو ... لاما رفعت راسها وبصت له واتكلمت بحمقه : وبعدين يا عمر أستنى لما نحل المشكله مش شايف لولو عامله ازاى
عمر : ماشى يا حبيبتى عشان وبيوطى صوته لما صبحى بصله خاطرك
صبحى قام وقف وخارج زينب قامت هى كمان : أستنى خدنى معاك يا حج صبحى ..، وطلعت برا ..
عمر : ما تزعليش يا لولو انا ياما زعلت لاما وصالحتها اكيد هو كمان ها يعمل كدا عشان بيحبك ... بس انتى ازاى يا وحشه تخبى على جوزك
لولو : إلا حصل بقى اعمل ايه
عمر : كلميه وقوليله انك غلطانه وبتعتذرى عن اى حاجه جرحته
لاما : أزاى يا ذكى وهى إلا زعلانه منه ولازم يجى هو يصالحها
عمر : جاتلى فكره احنا نحط كانولا فى إيدك ونصورك وننزلها على الفيس ونقول انك بتموتى
لاما ضحكت : والله فكره وها يجى جرى ونصالحهم
لولو اتعدلت وبتهشهم الاتنين : قوموووو اطلعو برا ياله انا ناقصه فقعه ياربى قومى انتى كمان وبعدين مسكت جومانا ..، لاء خليكى لتتعدى منهم دول حاله خطر ... ياله انتى وجوزك ياله بقولكم ..
عمر قام وماسك لاما وطالع وخدو جومانا .. اطفى النور عشان الرومانسيه إلا أنا فيها تكمل وياريت تخاصمونى اسبوع كدا وإلا حاجه ... وقفلو النور علت صوتها ... الباب ها تسيبوه ليه لسرسوب الهوا اقفلو وقفلوه ... طلعت تليفونها وبتتصل على هدير ..، انا أكلم العاقله الهاديه ..  الراسيه ديدو ... مش جوز المجانين  دول ... يا ساتر والتليفون بيرن ... وبتقول  يا ساتر ..
هدير : لولو كويس إنك إتصلتى كنت لسا ها أكلمك .. انا إتخانقت مع حاتم وسايبلو البيت دلوقت وراحه عند ماما
لولو : طب يا هدير يا حبيبتى تصبحى على ألف ألف خير كانت مكالمه لطيفه ومفيده ... منكم لله .. منكم لله
هدير : لولو بتقولى ايه مش سامعه
لولو : الوووو .. ديدو انا ها أقفل لما تروحى لأمك ها اجيلك عشان اغضب معاكى ... لا إله إلا الله
هدير : محمد رسول الله اول ما اوصل هناك ها اكلمك سلام
*********
باسل ونائل  وصلو المكان إلا عايش فيه عاطف وسئلو على البيت و طلعو الدور الرابع عند شقة عاطف  .. لاحظو ان الباب مفتوح
نائل طلع السلاح بتاعه وباسل أستعد هو كمان لما حسو ان فى حاجه مش مظبوطه وداخلين بحذر
❤❤💙💙💚💚
بقلم : لبنى طارق
❤❤💙💚💚
جميع رواياتى فى جروبى كوميكس روايات لولو طارق
تصويت للحلقه يا حبايبى