مساء الخير ع الجميع ♥🥀
الله ابو الخير يابة
جايبتلكم خبر إلا بشدة بس مو هسه احچي خلوني اكمل الملاحظة وابلغكم بالخبر 🌚💔
وقبل كل شي
تحملوني لأن الملاحظة جداً طويلة لكن الضرورة اقتضت ذالك
كلش اشكركم على تجاوزكم بالبارت السابق
لأن وللأمانة ما عندي شي اردكم بي غير الشكر والحليم تكفيه الأشارة
سؤال واريد منكم جواب صريح
ليش تجاوزتوا على صهيب بابشع الكلمات ؟!!
راح تگولون لأن تجاوز ع الكادر الطبي
زين بشرفكم شتفرقون عنة هسه انتم لمن رديتوا الأساءة بالأساءة !!!
لو علي حرام وعليكم حلال
والمفروض اليغلط نغلط علي والعين بالعين والسن بالسن والبادي اظلم ومقولة الأمام علي (عليه السلام) عامل الناس بأخلاقك لا بأخلاقهم انضربت بعرض الحايط
راح ترجعون تگولون شلون يعني منعلق بعد لأن اعرف بسوالفكم
لا بالعكس تعليقاتكم تسعدني جداً بس ليش متخلوها تعليقات بناءة ويكون الأنتقاد بصورة حلوة
اذا شريحة القراء والطبقة المثقفة اسلوبها هيچ لا عتب بعد ع الغير ؟!!
ااااابداً ما اگوللكم ايدوا الغلط
لا والله اني الغلط ما اسكت عنة لو على حز رگبتي
بس ممكن احچي بأسلوب وبكلام يعبر عن اخلاقي وتربيتي
صهيب غلطت
صهيب اسلوبك اابد مو صحيح
صهيب تصرفاتك متدل على التحضر
صهيب تگدر تلزم اعصابك لأن انت بمستشفى
ووووووووو غيرها من الأنتقادات المحترمة
لكن اجي واعلق
زمال گبر حقير معيدي همجي طاح حظك الله ياخذك وبعد اكو كلام ميليق بية اذكرة ارجعوا للتعليقات وشوفوا الباقي بنفسكم لان استحي اكتبة والله هاي من غير الكلام البذيء الاضطريت احذفة....
زين ليش ؟!!
قصة راحت وانتهت ونشرناها الكم مو حتى بس تتونسون بقراءتها لا نشرناها حتى تتعلمون من (اخطاء) ابطالها
انتبهوا زين
گلت اخطاء وخليتها الكم بين قوسين
يعني داوضحلكم الأبطال بشر مو ملائكة وجداً عادي تشوفون منهم اخطاء خلال رحلتكم بحياتهم لو يمكن انتم متغلطون بحياتكم ابد ؟!!!!
ولمن تواجهون الغلط انتقدوا
انتقدوا منااااااا للصبح اني والأبطال والعالم كلة وياكم ومحد يلومكم بحالة الأنتقاد البناء
لكن التجاوز لا مو من حقكم تتجاوزن بس لأن نشروا قصتهم ولازم يتحملون الغلط والمسبة منكم
وتدرون المشكلة شنو
الأبطال ميستحقون كل هالتجاوز من(البعض)
لأن مثل متشوفون زلم اخلاقهم عالية لا يشربون لا يدورون نسوان لا يعاملون نسوانهم معاملة سيئة وكل اخطاءهم طفيفة عادي تصير ويا ابوچ اخوچ ابنچ رجلچ بما انو العراقين كلهم اعصابهم براسهم وروحهم طافرة بخشمهم
أنت تقرأ
وضاقت الأرض بي
Adventureعندما تجتمع مجموعة من الوحوش الجائعة على فتاة صعبة المنال تكون النتيجة كارثة بشرية إغتصاب جماعي وعادات متخلفة وظلم لا متناهي وأًناس لا ترحم إن كانت السماء تنصف فـ كيف السبيل الى الخلاص على هذه الأرض ؟!!
