انتقام بوجه اخر

الجزء العشرون والاخير

بعد مرور أسبوعان كان ياسين يجلس بجوار همس كالعاده وهو يقرأ لها بعض القرأن فهو لم يقوم أو يتزحزح من مكانه منذ دخولها في الغيبوبه واعتزالها العالم الواقعي نهائيا

مراد بحزن: اقوم يا ياسين ارتاح شويه انت بقالك اسبوعين علي الحال دا لا لتأكل ولا بتنام حتي

فنظر له ياسين بهيئته المذريه  شعره المشعث ولحيته الخفيفه التي نمت مؤخرا ثم قال بحزن خيم علي صوته بشده: اكل ازاي وهي كده ولا انام طب ازاي ارتاح وانا مش عارف هي هتفوق امتي وحشتني يا مراد وحشتني اوي ثم نظر لها مره اخري بحزن وهو يمسد علي شعرها بحزن وحب بينما نظر له مراد وميان بحزن وشفقه ثم جلست مره اخري مثل العاده بينما عند همس كانت تجلس علي ارجل جدها أمام نافوره كبيره وهو يلاعب شعرها بحنان ثم قال: وبعدين يا همستي مش ناويه ترجعي تاني

همس وهي تعتدل: ارجع لمين يا جدو وارجع ليه أنا عايزه اعيش معاك هنا علطول

الجد بحنو: ترجعي عشان ياسين اللي بيحبك واللي ضحي عشانك كتير لو مرجعتيش هو هيموت من بعدك وترجعي عشان ميان اللي بتعتبرك اختها وصاحبتها وكل أهلها ارجعي عشان كل الناس اللي بتحبك ومش هيكملوا حياتهم من غيرك هيبقوا دائما ناقصين لانك انتي اللي بتكمليهم يا همس انتي قوتهم الحقيقة كل واحد ضحي عشانك وانتي مش عايزه ترجعي عشانهم

همس: طب وانت يا جدو مش هشوفك تاني فربت علي ظهرها وهو يقول بابتسامه صافيه لا تظهر الا من وجه بشوش مثله: بس انا موجود دائما في قلبك موجود لما تبصي في السما هتلاقيني ببصلك وبطمن عليكي ديما بصي لاقرب نجمه لقلبك وهتلاقيني بابتسملك وانا بدعمك يا احلى حاجه في الوجود

همس بابتسامه:بحبك اوي يا جدو
--------------------------------------

بينما في قصر البارون كان يجلس وسط الأطفال بابتسامه حزينه لما حدث لهمس وتذكر كيف حضرت مفاجأه له قبل ذلك الحادث وان قامت بتغير فيلته الي دار للأيتام حتي يسلوه ويأنسوه في وحدته وهو قد احبهم واحبوه بشده فرت دمعه منه علي حالها ولكن شعر بأحد الاطفال يجلس بجواره

ريم بابتسامه وبراءه طفله: انت بتعيط ليه يا بارون انت زعلان من ايه

صقر بابتسامه حزينه: عشان في واحده عزيزه اوي علي قلبي تعبانه خالص ومش عارف اساعدها ازاي

ريم ببراءه: متزعلش يا بارون ارفع ايدك كده السما وقول يارب تخف وربنا يخليها تخف علطول زي ما انا كنت بعمل لما ماما كانت تعبانه كنت بدعي أنها تخف وفعلا تاني يوم قالولي أن ماما ارتاحت خالص وراحت فوق مش كده هي خفت يا بارون

صقر وهو يحتضنها: ايوه يا حبيبتى هي خفت وارتاحت يااارب
----------------------------------

عند رؤي كانت ذاهبه المشفي لرؤيه ياسين ولكنها انتبهت لهاتفها الذي يرن فنظرت وجدته زياد فردت بهدوء فهي تغيرت كثيرا لم تعد تلك المجنونه من بعد ذلك الحادث وهي تغيرت كليا: الو ازيك يا زياد