انتقام بوجه اخر

الجزء الثامن عشر

عادت نجمه ورؤي الي القصر وهم يلاحظون ملامح الحراس السعيده وجاءهم كبير الحرس وهو يقول بأدب: انسه نجمه وانسه رؤي الف سلامه عليكم واستاذ ياسين زمانه جاي حالا فأشارت له نجمه بالذهاب

رؤي: اتصرفي بقي يا قمر شوفي بتقولي ايه لاخوكي عشان ميروحش يقتل حبيب القلب عشان فكر يخطفنا أو كما هم معتقدين يعني
نجمه وهي تمسك يد نجمه برجاء: وحيات جدك يا شيخه فكريلي في حل ياسين مش بيتفاهم

رؤي بسخريه: وحيات جدي؟! لا حلفتيني بالغالي اوي علي العموم هتكتك متخافيش أنا هتصرف

نجمه: هتعملي ايه

رؤي بتفكير: روحي هاتي سكينه

نجمه: سكينه ايه رؤي متتجننيش هتقتليني ولا ايه

رؤي: وحيات ربنا نفسي اعملها بس مش هينفع انجزي بدل ما دماغي تلف واعملها بجد

نجمه بخوف: لا وعلي ايه حاضر ثم ذهبت وهي تحضر سكينه من المطبخ واعطتها لرؤي التي امسكتها بخوف وهي تقول: صلي على رسول الله ثم قطعت جزء من ربع يدها بعيد عن شراينها

نجمه بفزع: انتي مجنونه ايه اللي عملتيه دا

رؤي بضحك رغم وجع يدها: اصبري بس عشان احبك الموضوع ثم خربشت قدمها بشده

نجمه بصراخ: لا انتي اتجننتي رسمي وفجأه جاء ياسين وهو يجري تجاه رؤي ونجمه وخلفه مراد يهرولون بفزع

ياسين: نجمه انتي كويسه وانتي يا رؤي ايه دا دم ايه اللي عورك كده

أخفت رؤي السكين جيدا ثم قامت لمراد وهي تقول بتمثيل: شوفت عملوا ايه في اختك يا مراد شوفت يا ياسين

ياسين: مين عمل معاكي كده

رؤي ببراءته: معرفش دا ناس اتهجموا علينا كانوا عايزين يسرقونا وسحبونا علي عربيه كده وحاولوا ياخدوا السلسله بتاعتي والانسيال وكمان بتوع نجمه بس انا قاومتهم فعوروني في ايدي وبعدها لقينا ناس جت اتلمت وساعدونا وضربوا الناس واحنا جرينا علي هنا حتي بص عوروني جامد في رجلي

مراد وهو يحتضنها: معلش يا قلب مراد أنا هعرف اللي عملوا كده وهندمهم أنهم فكروا يقربولكم

رؤي: متخافش اختك مسكتتش

ياسين: بس غريبه انتي متخرشمه خالص بينما نجمه معلهاش ذره تراب

رؤي: اصل الاخت دي مسالمه اوي استسلمت بسهوله وأدت الحرامي ابن الحراميه كل حاجه لكن أنا مسكتلوش اه دا مبعرفش مين رؤي المهدي ولا ايه

ياسين: طب تعالي يا لمضه أنا اقفلك الجرح دا ثم أحضر علبه الاسعافات الاوليه وعقم لها الجرح ثم لفه بشاش جيدا

مراد بابتسامه: طب الحمدلله اني اطمنت عليكي يلا عشان هنمشي دلوقتي جبتوا حاجتكم كلها

رؤي: استني هطلع اجيب أنا ونجمه بقيت الحاجات تعالي ورايا ثم صعدت للاعلي