Unicode
စက်တင်ဘာလအဆုံးရောက်လာလို့ Ning Cheng မှာ အပူချိန်က အေးစိမ့်စိမ့်လေးဖြစ်နေတယ်။မိုးပေါက်လေးတွေကလဲပြတင်းမှန်ပေါ်ကိုဖြိုးဖြိုးဖြောက်ဖြောက်ကျဆင်းနေတယ်။ကောင်းကင်ကြီးကလဲအုံ့ဆိုင်းမဲမှောင်နေပီး အိပ်ငိုက်ဖို့အတွက်တော့လုံးဝပြည့်စုံတဲ့ ရာသီဥတုဖြစ်နေတယ်။
စာသင်ခန်းရဲ့နောက်ဆုံးတန်းမှာရှိနေတဲ့ကျောင်းသားတွေကတော့ အိပ်ပျော်သွားတာကြာလှရောပေါ့။ အခန်းထဲမှာအရင်ဆုံးအိပ်ပျော်နေကျဖြစ်တဲ့ သွမ့်ကျားရန် ကတော့သူ့မျက်နှာကိုလက်ဖဝါးတစ်ဖက်နဲ့ပျင်းပျင်းရိရိထောက်ထားပီးတော့ ကျန်လက်တစ်ဖက်ကတော့သူ့နတ်ဘုရားမလေးနဲ့ We Chat မှာ စကားစမြည်ပြောနေတယ်။
နတ်ဘုရားမလေး ကျန်းချီနျန် ကတော့ Art Classကကျောင်းသူတစ်ဦးဖြစ်တယ်။ သူတို့နှစ်ယောက်စကားအတော်ကြာအောင်ပြောပီးတော့နှစ်ယောက်သားကတော်တော်လေးရင်းနှီးတယ်လို့ယူဆလို့ရတယ်။ ကျန်းချီနျန် ကသွမ့်ကျားရန် ကိုနောက်စာသင်ချိန်ကျရင် milk tea တစ်ခွက်လာတိုက်မယ်ဆိုပီး message ပို့လာတယ်။ အဲ့တာကသွမ့်ကျားရန် ကိုပျင်းရိနေတာကနေအနည်းငယ်နိုးထလာစေခဲ့တယ်။ သူရဲ့ နှုတ်ခမ်းစွန်းလေးမှာအပြုံးတစ်ခုဖြစ်ပေါ်လာတယ်။
သူ reply ပြန်ပီးချက်ချင်းဆိုသလိုပဲတစ်စုံတစ်ယောက်ကသူ့ကိုကြည့်နေတယ်လို့ခံစားမိတယ်။ သူခေါင်းကိုမော့ကြည့်လိုက်တဲ့အခါမှာတော့ စင်မြင့်ပေါ်ကသူ့ကိုလှမ်းကြည့်နေတဲ့ physics ဆရာရဲ့အကြည့်နဲ့ ဆုံမိသွားတယ်။
နေ့တစ်နေ့ရဲ့ပထမဆုံးသင်ခန်းစာက physics တဲ့။ ကျောင်းသားအများစုက အိပ်ငိုက်ချင်စိတ်ကိုထိန်းမရတာ အသေအချာပဲ။ ဒီဟာကဖြစ်နေကျမို့ဆရာနဲ့လဲမစိမ်းသက်ပါဘူး။ ဒါပေမဲ့ သူအံ့သြရတာက သွမ့်ကျားရန် ကတစ်ချိန်လုံး မငိုက်ပဲထိန်းထားနိုင်တာပဲ။ သွမ့်ကျားရန် ကိုတစ်နှစ်ကျော်လောက်စာသင်ပီးတဲ့နောက်မှာ ပထမဆုံးအကြိမ်အဖြစ်မငိုက်တာတွေ့မြင်ခြင်းပဲ။
"ဟိတ်! သွမ့်ကျားရန် ဒီမေးခွန်းကိုဖြေစမ်း" လို့ physics ဆရာကအပြုံးလေးနဲ့ပြောလာတယ်။
YOU ARE READING
ကိုယ်နှစ်သက်မြတ်နိုးရပါသောမင်းရနံ့လေး (ဘာသာပြန်)
RomanceOriginal author: Yǐnlù Xīng - 引路星 Associated name:Wǒ xǐhuān nǐ de xìnxī sù 我喜欢你的信息素 I don't own this story.I just translate.Fully credit to original author and eng translators. Chapters 72 + Extra 4 ကိုယ့်ရဲ့ပထမဆုံး translation ပါ။အမှားတွေပါရင်ဝေဖန်...