انتقام بوجه اخر

الجزء الحادي عشر

في غرفه مصطفي

مصطفي بغضب: ايه الجنان اللي بتقوليه دا يا هنا ابن مين دا ابن نادر اكيد انتي عبيطه

هنا: صدقني يا مصطفي انا ونادر من فتره كبيره واحنا بعاد عن بعض دا ابنك انت اكيد

مصطفي: وانتي جايه عايزه مني ايه دلوقتي مش فاهم

هنا: جايه نشوف حل للكارثه دي في يوم اكيد نادر هيعرف ان دا ابنك انت ويومها نادر مش هيرحمنا لا انا ولا انت اتصرف بقولك

مصطفي: روحي يا هنا لجوزك واشوفي ابنك انا مليش علاقه بيكي انتي فاهمه وياريت متجليش هنا الاوضه تاني

هنا: كده يا مصطفي ماشي انا وانت والزمن طويل وهتشوف هنا الراوي هتعمل ايه فامسكها مصطفي من معصمها بقوه وهو يطردها ويقول: اخبطي رأسك يا شاطره في اتخن حيط يلا بااي ثم اغلق الباب بعنف نظرت له هنا بشر وهي تعود مره اخري لغرفتها قبل عوده نادر بينما كانت حياه تنزع الهاند فري الخاص بها وهي تبتسم بخبث فخطتها تبدا بالنجاح فقد سمعت ما حدث بأكمله وفجأه سمعت صوت تحطيم فخرجت سريعا وجدت نادر يتحرك بعشوائيه واثار الثماله تظهر عليه فاقتربت منه لاسناده حتي لا يدمر المنزل كله بينما هو نظر بامعان وهو يقول بسكر: انتي مين انا شوفتك قبل كده

اسمهان: انا اسمهان يا نادر بيه وطبعا شوفتني لاني بشتغل هنا

نادر: اه اه افتكرتك صح انتي اسمهان بس تعرفي انا شوفتك قبل كده لا مش شوفتك انتي شبه واحده اعرفها اوي عارفه مين

اسمهان: مين مهي ليله سوده من اولها

نادر: شبه همس بنت عمي من يوم ما شوفتك وانا بقول انك شبها بس انا متأكد انها مش انتي عارفه ليه لانها ماتت من زمان اه من زمان اوي يجي تلات سنين وانا اللي قتلتها حطيتلها القنبله وبوم انفجرت العربيه بس مش انا لوحدي دا انا وهنا ومصطفي وماجد صحيح ماجد دا مكنش موافق الاول بس بعد كدا اقنعناه بصعوبه صحيح ماتت وخدنا كل حاجه لكن الحاجه الوحيده الي مكنتش محسوبه هي سلمي ماتت من غير قصد مكنش ليها ذنب بس هي كده نهايتها مع اني كنت ..كنت بحبها بس هي اللي موافقتش نتجوز قالت اني انسان طماع وكل همي الفلوس وبس طب ما هو كل الناس كده الواحد بيشتغل ويتعب عشان الفلوس احنا عايشين عشان كده وبس ولا انا غلطان بس لما بعد وحدي بفكر واقول بسبب طمع همس وانها كانت عايزه تمسك كل حاجه مكنش كل دا حصل هي السبب هي السبب بس خلاص اهي ماتت وراحت فوق عند ربنا

اسمهان ببراءه وعيون صقريه: بس انا مامتش يا نادر انا همس..ثم ضغطت علي عرق في رقبته فوقع مغشي عليه
------------------------

ببنما عادت ميان من الخارج وهي تبحث عن بارون حتي وجدته يجلس بغرفه الصالون وهو يمسك كتاب ويقرأ به

ميان: ايه يا بارون جو الرعب دا حد يقرأ كتاب في الضلمه انا عارفه ان العلم نور بس مش اوي كده فنظر لها بارون باستهزاء ثم قال: ايه مراد عامل ايه