CAPTIVATED BY TYRONE GREENE (TV Movie Adaptation & Published under Pop Fiction)

Chapter 29

Photo Edited by Bebe Jhane

Thanks ulit bebe!

#TeamJorTy   #TeamMahal  pa rin ba???

********

CHAPTER 29

Jordan

Halos dalawang linggo na ako rito sa beach sa Batangas. Wala akong kilala rito. Si Isaac ang tumulong sa akin para lumayo kay Ty. Oo, iniwan ko na naman siya. Kahit na napakahirap sa akin ay iniwan ko pa rin siya. Umalis ako nang walang paalam tulad nang ginawa ko dati. Ayoko lang maburo sa akin si Ty gayong walang kasiguraduhan na magkakaanak pa ako. I love Ty so much at mas deserved lang niya ang babaeng mabibigyan siya nang maraming anak. At iyon ang possibleng hindi ko maibigay sa kanya.

"Jorge, kumain ka muna." Si Isaac. Halos isang buwan na rin siyang nakaalis sa MRC at namasukan na lang sa resort na tinutuluyan ko ngayon.

"Salamat, pero medyo busog pa kasi ako." Bahagya pa akong umiling. Ayoko sanang humingi nang tulong, pero wala na akong ibang malapitan. Si Cary naman ay nasa Canada na rin at hindi pa rin makauwi.

"Jorge..." Malalim pa siyang napabuntong-hininga at naupo sa katapat kong upuan. "Bakit 'di ka na lang bumalik kay Ty? Alam mo, nagagamot naman daw ang symptoms ng PCOS (Polycystic Ovary Syndrome). Puwede mo pa rin siyang mabigyan ng anak."

"Please, Isaac..." Umiling ako at mapait na ngumiti. "I love Ty so much..." Hindi ko na naman mapigilan ang magluha. "Gusto ko lang malagay siya sa siguradong babae at hindi sa katulad kong magiging puro baka sakali."

"Alam mo, hindi kita maintindihan, e." Malungkot pa siyang napatitig sa akin. "Mahal na mahal mo si Ty, pero nagagawa mo siyang talikuran nang gan'un-gan'on na lang?"

"Akala mo ba madali?" Kinagat ko nang mariin ang aking labi para sana pigilan ang pag-iyak, pero bigo ako. Dahil parang gripo pa ring tumutulo ang luha ko. "Hindi, Isaac. Hindi." Nag-iwas ako nang tingin dahil pakiramdam ko ay nasasaktan ko rin siya. "Pero handa akong tiisin ang pag-iisa maging buo lang ang kaligayahan niya."

"Naisip mo man lang ba na baka ikaw lang ang kaligayahan niya?"

"Maraming ibang babae diyan, Isaac. Higit pa sa akin."

"Siguro nga." Napahugot siya nang malalim na buntong-hininga at mapait na ngumiti. "Marami pang higit sa'yo, pero paano kung ikaw lang ang kaya niyang mahalin, Jorge? Ito na lang ba ang palagi mong solusyon? Ang tumakbo palayo?"

"Dahil iyon ang desisyong makakabuti para sa kanya."

"Sigurado ka bang iyon ang mabuti para sa kanya, Jorge? Hindi mo ba naiisip na baka hanggang ngayon, hinahanap ka pa rin niya?"

"Magsasawa din 'yun..." Madaling sabihin, pero gumuguhit ang sakit naiisip ko pa lang. "Sa ginawa ko bang pag-iwan sa kanya sa palagay mo hahabulin pa ako n'un? Maiisip niya na hindi ako karapat-dapat sa pagmamahal niya at magmamahal siya nang iba. Wala siyang ibang mararamdaman sa akin kundi galit at madali niya akong makakalimutan."

"You knew too little about my love for you, Jordan."

Agad kaming napalingon ni Isaac sa pinanggalingan ng boses. Bumungad ang nagdidilim na mukha ni Ty.

Pakiramdam ko ay literal na tumigil ang puso ko sa pagtibok at mariin ko lang kinagat ang labi ko. I missed him so much...

"Hey, Isaac! I saw you. You held her hand the other day. Do you really want to die?" What? Nandito siya the other day?

"Sorry, pare, na-carried away lang! Seloso mo masyado!" Napahalakhak lang siya at iiling-iling na sumenyas na aalis na. "Huwag mo na nga sa akin pabantayan, kung mabibilis lang ang buhay ko sa'yo!"