My Boyfriend is a Freak (Published under Pop Fiction)

27: Mira

"Friend, where is Myron? Kanina ko pa gustong masilayan ang gwapo niyang mukha," pag-usisa ni Alexia na basta na lamang pumasok sa opisina ko, hatak-hatak sina Hannah at Mavi.

"Pinagtataguan ka, friend," sagot ko na may ngiting nakakaloko. "Ang laki ng takot sa'yo ng kapatid ko."

"Mukha ka raw kasing impakta, friend," dagdag naman ni Hannah sabay tawa.

"Wow, nagsalita ang kagandahan?" Pinandilatan siya ni Alexia.

"Maganda naman talaga ako," sagot ni Hannah sa kanya with matching hair flip. "Kaya nga natipuhan ako ni Vince."

"Yes naman." I giggled. "I like it that you're now open to talk about your relationship with Vince, Han."

"Wala pang relationship, ano ka ba." Hannah smirked. "Gaya ng paulit-ulit kong sinasabi sa inyo, Vince and I are taking things slowly. Magkaibigan pa lang talaga kami."

"Echosera!" Hinampas siya ni Alexia. "Kailan kayo aamin, kapag ipinagbubuntis mo na ang sunod na miyembro ng Montevilla family?"

"May pagdadalang-tao agad? Grabe ka naman kay Hannah," natatawang komento ni Mavi. "Oo nga pala, Han... Since ini-entertain mo na si Doc Vince, ibig sabihin ba, wala na kayo ng boyfriend mong architect? George, right?"

"Oo, Mavz. Nakipag-break na ako sa gagong 'yon. Nakabuntis ng iba, bwisit!" nakasimangot na sagot ni Hannah.

"Seryoso? Bakit naman ngayon mo lang sinabi sa amin 'yan?" gulat na tanong ko kay Chinita. "Pero in fairness, ha? Hindi halata na galing ka sa breakup."

"Kasi nga, may kapalit agad sa puso niya 'yong architect!" Alexia exclaimed bitterly. "Imagine, isa sa Montevilla brothers ang kusang lumapit sa kanya. May panahon pa ba siya para ipagluksa ang jowa niyang nakabuntis ng iba?"

"Gaga. Iniyakan ko rin kaya si George!" Tinuktukan ni Hannah si Alexia. "Kaya nga nagkita kami ni Vince sa bar, that same night na naaktuhan ako ni Sir Vren na inihahatid ang kuya niya sa condo nito. Nag-e-emote ako no'n dahil kaka-break lang namin ng manloloko kong ex. Ewan ko lang kung ano naman ang ini-emote ni Vince, ha? Pero parehas kaming nagpapakalasing sa bar nang gabing 'yon."

"I see. Pero sana talaga, noon mo pa ikinuwento sa amin ang mga 'yan. Late na naming nalalaman ang mga ganap sa buhay mo. Nakakatampo." I pouted like a kid. "But I'm really happy for you, Han. You're better off with Vince than that cheating ex-boyfriend of yours."

"I know. Vince is a really good man," nakangiting saad ni Hannah.

"He is, isn't he?" I smiled back at her. "Trust me, mas matino 'yang si Vince kumpara kay Vren Andrei na malakas ang topak."

"'Yon naman pala, e! Bakit hindi na lang si Doc Vince ang sinagot mo noon?" miserableng tanong ni Alexia. "E 'di sana, malaya pa rin kaming nagmamahalan ni Sir Vren ngayon."

"May magagawa ba ako, e kay Vren ako nagkagusto?" Sinimangutan ko si Baklita. "And excuse me lang, ha? Kailan ka pa minahal ng boyfriend ko? 'Wag ka ngang feeling diyan. Ikaw lang naman ang nagpapantasya kay Vren. He never paid attention to you."

"Talipandas ka talaga, Mirathea," Alexia muttered. Then he turned to Mavi. "Psst. Alam na ba nina Mira at Hannah na nagparamdam sa'yo ang ex mo?"

"'Yong Fix?" Hannah asked, intrigued. "Nope, wala siyang nababanggit sa amin. What happened?" She nudged Mavi.

"He texted me last night," Mavi answered, blushing. "Gusto niya raw makipagkita sa akin."

"And will you do it?" tanong ko naman. "Will you meet up with him?"

Umiling-iling si Mavi. "Ayaw ko nga! Tahimik na ang buhay ko. Ang tanga ko naman kung hahayaan kong guluhin niya pa."

I was about to express my agreement to Mavi's decision when someone knocked on my office's door, causing the four of us to look that way instead.