Bitch's First Love (ongoing - Chapter 6 UPDATED)

Bitch 2: Wicked Witch

Spell BORED. Siyempre B-O-R-E-D, sinong tanga ang mag i-spell ng A-K-O? Sobrang boring naman talaga. Lalo na kung may isang teacher na salita ng salita sa unahan at walang pakielam na inaantok na ang estudyante niya. I'm not kidding. 1/4 ng students dito sa room, nakatungo na. Sino bang hindi aantukin na ang nile-lecture ay tapos na namin i-discuss last week pa? Naka-maternal leave kasi ang teacher namin sa Filipino subject at etong teacher sa unahan ang substitute. Nagtanong pa siya sa amin kanina kung ano na ang next topic namin. E di sinagot namin na El Filibusterismo. Nagulat pa siya at sabi niya yung last discussion muna daw ang ituturo niya. Kabwisit, ha. Ano bang akala niya sa amin, slow learner? Star section kami o mas magandang tawagin na section A tapos gagawin niya kaming tanga? Sinong niloloko niya? Iritang irita na ako sa kinauupuan ko dahil kahit hindi niya i-discuss ulit, mape-perfect ko pa ang quiz o exam na ibibigay niya. Sinipa ko ang upuan ng nasa harapan ko. Hindi man lumingon. Mas nilakasan ko ang pagsipa kaya napalingon na din.

"A-ano i-iyon, M-ms. Alyssa?"pabulong na tanong niya.

"Hoy, nerd. Maki-ride ka na lang sa gagawin ko kundi malilintikan ka"pabulong na sabi ko at pinanlakihan ko ng mata. Oo, si Nerd na inaaway kanina ni Ugly. Hindi naman talaga siya nakaupo sa unahan ko kaso hinila ko para madaling mautusan.

"H-ha?"

Di ko na lang siya pinansin at ginawa ko na ang plano ko. Naghikab ako at tumayo with matching wide arms open. "Grabeng nakakaantok. Mas nakakaantok pa sa mga classical music."

"May problema ba, Ms. Santibanez?"tanong agad ng Filipino substitute teacher. Impressive. Matandain siya sa pangalan.

"Ma'am, nakakaantok kayo magturo pati ang mukha ninyo. Mukhang nalipasan ng panahon."kaswal na sagot ko at nakita kong nainsulto siya. Parang hindi niya alam ang sasabihin niya kaya sumigaw na lang siya ng..

"Ms. Santibanez, go to the DETENTION ROOM!"

Napa-smirk na lang ako dahil bago pa lang siya sisigawan niya ako para pumunta ng detention room. Matawa tawa na lang ako sa loob loob ko. Hindi yata nakinig ng rules and regulations sa school. Pathetic. Hindi pa ako lalabas ng room dahil hindi pa tapos ang palabas ko.

"Nerd! Di ba nakakaantok naman talaga?"sabi ko habang nakatingin kay nerd na nakatalikod sa akin. Parang nanigas lang siya sa kinauupuan niya. Aba, ipapahamak pa yata ako ng isang ito. Sinipa ko ng malakas ang upuan niya kaya muntik na siyang mapasubsob at napilitan siyang tumayo.

"O-opo!"malakas na sagot niya. Here I am, smiling ear-to-ear. Ang mga kaklase ko naman na nakatungo kanina, mga napaangat ng ulo at sumagot ang ilan. Pati na din ang girlfriends ko except kay Carlence.

"Ma'am, nakakaantok nga. Alam na namin iyan."

"Ma'am, tignan ninyo si Carlence, napunta na sa wonderland ang panaginip"sabi ng isa at tinuro pa si Carlence. May ilang natawa pa.

Kung kanina, nakahanap pa ng sasabihin si substitute teacher, ngayon speechless na talaga siya. Pagkaisahan ba naman ng isang klase. Umalis siyang umiiyak na walang goodbye o bye class. Nag shrug ako. Wala, e. Hindi lahat ng nasa section A, masunurin. Basta pag plano ko, walang hindi umaayon. Isang Alyssa Aria Santibanez, hindi susundin? I can make their life like hell.

-

"Alia, kawawa naman si Ma'am substitute teacher."sabi ni Kriszha.

"Oo nga, nagtuturo naman siya ng ayos."sabi naman ni Ranne na naka-pout pa.

"Sinundan ninyo sana."sabi ko at inirapan sila. Nandito kami sa cafeteria at ang buong section A. Napaaga tuloy kami ng recess. After kasi ng Filipino subject namin, 2-hours recess na. Mga star section every year level ang may 2-hours recess. Ang section B at C, 1 hour lang. May special treatment kasi ang star section.