Never Talk Back To A Gangster! [2nd Half--FIN]

Dedicated to Amor Akimoto. Ang batang graphic artist na gumawa ng bagong cover ng Lucky13. Ang galing nyan. 13 years old pero AMAZING ang mga covers na ginagawa. =)


Ch.91 - The Boys


***Red's POV


"Ano na ngayon ang plano?" tanong ni Jun "Hindi naman tayo pwedeng basta sumugod sa laban nang walang dalang armas."


"Hwag kang mag-alala, nagawan ko na ng paraan 'yan," sabi ko.


Matapos kong ibenta sa Tatay ko ang stocks ko na may halagang limang milyon para makabili ng mga gagamitin namin, siguro naman makakalabas kaming buhay nito.


Dalawang second hand na SUV, mga baril pati na rin spy cameras.


"Pero bago 'yan, pwede ba munang malaman kung ano ang totoong nangyayari dito?" tumingin si Sun kay GD at TOP. "Ano ba talaga ang nangyayari?"


"Gago! Hahaha! Ang labo ng tanong mo," tawa ni Pip.


"Hoy Pip! Umayos ka, tawa ka nang tawa dyan," saway ni Mond.


"Pano ka nga ba napasok sa gusot na 'to TOP? Nahihiwagaan ako sa mga nangyayari eh, bigla kang napasok sa illegal?" sabi ni Jack.


Umupo si TOP sa isang monoblock chair. Mukhang mahaba habang usapan ito. Humanap na rin ako ng upuan ko.


"I don't know where to start," umpisa nya.


"Alam ko," singit ni Six "Mag-umpisa ka sa pagta-tagalog. Bro sa totoo lang, low blood na ako. Hwag mo nang palalain pa."


"Oo nga, pareho kayong ingles nang ingles ni Samantha. Ano bang nakain nyo?" tanong ni Jack.


Aray! Namfufu! >.>


Napatingin ako bigla sa itaas at napabuntong hininga. Samantha. Samantha. Kailan kaya tayo magkikita?


Mamayang gabi na ang dealing.


Dapat lang na makalabas kami ng buhay, kakausapin ko pa sya.


"Right, uumpisahan ko ang lahat nang makarating ako sa Japan para sa operasyon ko," kwento ni TOP. "At kung ano ang nangyari bago ako makabalik dito."


"Heh! I'm not a big fan of story telling so.." lumapit si GD sa pinto "Imma buy something to eat"


Matapos lumabas ni GD muling nabalik kay TOP ang atensyon namin.


"Ano nga ba ang nangyari sa'yo sa Japan?" tanong ni Seven.


"Hindi ka namin nakausap man lang habang nasa Japan ka. Parang bigla ka nalang naglaho," sabi ni Vin.


"Kung ano man ang nangyari sa Japan, may kinalaman sa kung ano ang nangyayari ngayon?" tanong ni Dos.


"Yes," sagot ni TOP "Yes it's because of what happened in Japan."


"At alam na 'yon ni GD," sabi ni Kyo "Kaya umalis sya."


"O baka dahil sa ayaw nyang mabugbog?" tanong ko.


*kring*


May tumunog na cellphone.


Kinuha ni TOP ang cellphone nya sa bulsa at tinignan. Biglang nagbago ang ekspresyon nya nang mabasa ang caller.


Mukhang alam ko na kung sino ang tumatawag sa kanya. >.>


"Sige na 'tol, sagutin mo na. Ako na ang bahalang mag-kwento," prisinta ko.


Napatingin sa akin ang mga loko.


"ALAM MO?!!" tanong nila.


"Oo, bigla ko lang naalala," kibit balikat ko.


"Alright," tumayo na si TOP at dumiretso sa labas.


Naiwan kami.


"O hwag nyo na akong tignan nang masama, pinilit ko lang talagang alamin ito nang mag-isa kahapon. Hindi rin madali na makakuha ng impormasyon," depensa ko nang tignan nila ako nang masama. =__=


"Sige na, sabihin mo na," naiinip na sabi ng lokong si Jun.


"Katulad nga ng sinabi ni TOP, nag-umpisa ang lahat sa Japan. Alam nyo naman na mainit ang dugo ng mga Ryu kay Pinuno hindi ba? Nawalan sila ng anak at isinisisi nila ang pagkawala ni Ara sa kanya," nagsindi ulit ako ng sigarilyo. "Nang mga panahon na sumasailalim si Pinuno sa meditation-"


"Meditation?" tanong ni Mond.


"Pagkatapos ng operasyon nya at habang nagpapagaling sya, pumasok si TOP sa isang rehabilitation program," paliwanag ko.


"Bakit? Nag-drugs ba si TOP?" tanong ni Pip


"Tunge! Hindi 'yun!" sagot ni Seven.


"Ano'ng nangyari sa rehab?" tanong ni Omi.


"Nag-meditate. Ang totoo ibinabalik lang nya ang dating sya kaya sya napasok don. Yun ang sabi sakin ni Sweety. Kusa daw na