Class 4-6 - Book 1 (PUBLISHED ON POP FICTION 2018)

CHAPTER 40 (EDITED)

Update Date: 09/02/19

*THIRD PERSON'S POV*

Kasama ni Carmela yung tanging kaibigan niya sa America na si Dino dahil hinatid niya si Carmela sa airport. Pauwi siya ng Pilipinas.

"Kailangan mo ba talagang umalis?"

"Bes, ilang beses ko ba sasagutin yang tanong mo?"

"Eh kasi naman, biglaan naman to."

"Biglaan din yung nangyari."

"Eh, diba ayos na naman siya?"

"Dino, kilala mo si Chloe. Alam mo naman pati kung gaano namin kamahal yun."

"Asan na ba yang si Chloe?"

"Para namang hindi mo kilala yun."

"Good afternoon passengers. This is the pre-boarding announcement for flight 85B to the Philippines with a stop-over in Hawaii. We are now inviting those passengers with small children, and any passengers requiring special assistance, to begin boarding at this time. Please have your boarding pass and identification ready. Regular boarding will begin in approximately ten minutes' time. Thank you."

"Oh, bes. I have to go na."

"Mamimiss talaga kita. Don't worry, susunod ako dun."

At yun na ang huling pangakong pinanghahawakan ni Carmela bago siyang muling bumalik sa Pilipinas. Na kahit papaano, susunod si Dino dun. Na kahit papaano, magkakaroon siya ng kaibigan. Yun nga lang, sa pagdating pa ni Dino. Pero kahit ganun, masaya parin siya dahil sa pagbalik niya, makikita niya ulit yung taong ang tagal niya nang minamahal ng palihim.

"Flight 85B has now arrived. Thank you for flying with us. Enjoy your stay in the Philippines."

Matapos kunin ni Carmela ang mga maleta niya, dumeretcho na siya sa train station na hindi na mahulugan halos ng karayom sa dami ng tao. Biglang nakakuha ng atensyon niya yung cute na batang lalaki na naglalaro. Ang problema lang, hindi niya inakala na sa pagbalik niya ng bansa, magpapaka-superwoman siya dahil sa kamuntikan nang mahulog yung bata sa may riles ng tren. Ang kaso lang, kahit si superwoman natatabig din. At hayun na nga, nawalan si Carmela ng balance at siya na itong pumalit sa batang lalaki sa may riles. Ang kasunod na problema? May paparating na tren. Hindi na alam ni Carmela ang iisipin niya. Hindi niya na ba makikita si kuya niya? Hindi na ba siya makakaamin ka-

"Miss, okay ka lang?"

"Ha? Uhm, siguro?"

Nagulat nalang si Carmela, dumating na pala si superman at ligtas na siya. At hindi niya maitatanggi, gwapo ang superman na kaharap niya ngayon.

"Sigurado ka ba?"

"Ay, oo. Sorry. I'm okay. Thank you pala."

"By the way, I'm Chris."

"Carmela."

Sabay na silang maglakad sa waiting area para hintayin ang sundo ni Carmela. Medyo matagal rin silang nagtanungan or siguro dahil lang hindi sanay si Carmela na makipagusap, lalong lalo na sa lalaki. Tatlong lalaki pa lang sa buhay niya siguro ang nakakausap niya ng matagal. Dadagdag ba si Chris?

"Alam ba ng sundo mo yung flight mo?"

"Oo."

"Sino ba susundo sayo?"

"Hindi ko kilala eh."

"Huh? Bakit hindi mo kilala?"

"Yung kapatid ko yung nakipagusap dun sa susundo sa akin."