One-Shot Stories: A Collection

Debate for Love. (Short Story)

DEBATE FOR LOVE.

Short Story by Ella L./modernongmariaclara. All Rights Reserved. 2012.

SUBMITTED TO: BSS WRITING CONTEST (1ST PLACE) / KBKP AWARDS (NOT YET FINISHED)

"Oh my god! Papalapit na siya dito!"

"Ang gwapo gwapo talaga ni Clarence!"

"Papable talaga! Grabe, sana pansinin naman niya ako!"

Ano ba naman yan, ang aga-aga. Yan kaagad naririnig ko. Ang iingay talaga ng mga schoolmates ko!

Nagkatinginan lang kami ni Dada at ni Garlyn. Alam ko na tumatakbo sa mga isipan nila. Kasi, ganun rin naman yung tumatakbo sa isip ko.

CLARENCE NA NAMAN?!

Umupo kami sa may bench malapit sa field. Dito kasi kami usually kumakain kapag lunch. Hindi lang dahil mahangin kaya kami kumakain dito.

May free glimpse kasi ako kay Clarence.

Oo, isa ako sa mga babaeng may gusto kay Clarence. Pero hindi ako yung tipo ng babae na magsisigaw na 'Andyan na si Clarence my love!' o kaya 'Gusto ko ng magpakamatay kasi nakatitig sakin si Clarence!'

Matino naman ako 'no! Hindi ako gumagawa ng eksena. Tahimik lang ako na nagkakagusto kay Clarence.

Clarence Kevin McCarter. 4th Year-A. Student Council President. Debate Society Team Leader. Basketball Player MVP. Future Valedictorian. Gwapo. Mayaman. Mysterious. Walang girlfriend.

Pero hindi naman ako umaasa na magugustuhan niya ako 'no! Paano ba naman kasi.

Ella Larena. 4th Year-B. Debate Society member. Mataba ang pisngi. May-kaya. Walang boyfriend.

Hindi kami compatible ng taong gusto ko! Huhuhu. I mean, okay. Parehas kaming single, parehas kaming graduating, pero hello?!

Ang labo talaga!

"Lutang ka na naman."

"Malamang! Iniisip niya na naman si Clarence."

Tinignan ko yung dalawang bestfriends ko at sinamaan ng tingin. "Grabe, napakahelpful niyo talaga! Note the sarcasm." tinawanan lang nila ako at tinapik sa balikat.

"Kasi naman Ella! 4 years mo ng gusto si Clarence! Pero ano? Ni hindi nga niya alam na may gusto ka sa kanya." sabi ni Dada habang kinukutkot yung daliri niya.

"Eh paano ba naman kasi, nahihiya! Aamin lang naman eh. Tignan mo ko? Umamin ako sa taong gusto ko. Nagkatuluyan kami." sabi ni Garlyn na may halong kilig pa.