NANAY
Tawag sa kanya’y ilaw ng tahanan
Nararapat lamang pasalamatan
Pinakamamahal nating nanay
Na siyang nagdugtong sa ating buhay.
Lumayo si nanay
Upang maghanap-buhay
Sa amin naiwan si tatay
Siya’ng nagsilbing gabay.
Ilang taon rin ang lumipas
Bago nakauwi sa Pinas
Pasalubong ay ligaya
Sa pusong nangungulila.
Aruga’t kalinga kanyang binibigay
Pagsasakripisyo kanyang inaalay
Mundo ay kanyang binibigyan ng kulay
Salamat pagkat bahagi ka ng buhay.
Ngunit umalis muli si nanay
Upang muling maghanap-buhay
Sa anak handing muling mawalay
Mabigyan lang ng magandang buhay.
Para sayo ‘tong tulang aking ginawa
Mabatid mo lang na ika’y mahalaga
Aking mahal at ginigiliw na ina
Sana’y magustuhan aking munting tula.
BINABASA MO ANG
PAMPAMILYANG TULA :)
PoetryTula para sa kay NANAY, TATAY, MAGKAKAPATID( ATE AT KUYA), kasama na rin ang mga KAIBIGAN.. dedicate sa family ko at sa mga kaibigan ko.. :) Dahil sila ang inspirasyon ko.. Originally made by me... :)