Babasahin mo ba ang tula kung ito ay walang pamagat?
Bibigyang pansin ba, tulad ng 'sang libro na walang pabalat?
Ang nilalaman ba ay makasisiya at makakasapat
Upang ang paksa ay mabigyan ng buhay at maisiwalat.
Ikaw ba ay tulad ng tula na walang magandang pamagat?
Na makukumpara sa isang babae na hubo at hubad (mtrcb warning)
Sa isang binata na walang pangarap mahahalintulad
Wala kang direksyon, at malabong daan ang yong tinatahak.
Pagsumikapan mong ang tula ng buhay ay bigyan ng pansin
Minsay maliligaw, minsay malilito ngunit mahahanap din
Pamagat na akma, tunay na babagay sa yong lathalain
Pagkakakilanlan, at isang pangngalang may saysay at dating.
Salamat sa pagbabasa.. pavote naman kung nagustuhan mo..
Comment ka na rin para masaya.. hehe.. salamat ulit.
Nagmamahal,
TheFrustratedPoet
BINABASA MO ANG
ANG TULA NA WALANG PAMAGAT
PoetryAng pamagat ng tula ang pinakabuod nito. Ang unang salita na naghahayag kung ano ang laman ng komposisyon, kung ano ang mensahe at kung ano ang aral na maaaring makuha dito.. Ikaw ba ay tulad ng tula na walang pamagat?