SA ISANG SILID AY MAY ISANG UPUAN
ITO'Y HINAHANGAAN AT INASAM-ASAM.
LAHAT AY GAGAWIN MAANGKIN LAMANG,
BANGKITONG NAGTATAGLAY NG KAPANGYARIHAN.
NANG SIYA'Y MAUPO ,KANYANG NATIKMAN
SARAP NG KAKAIBANG PAKIRAMDAM.
MAY KUNG ANONG MAHIKA ITO
HINIHIGOP ANG KANYANG PAGKATAO.
PANANDALIANG NATANGAY ANG PUSO
ISIP AT KALULUWA'Y AGAD NABUYO.
SUBALIT BAKIT SA DULO NG GABI,
BAKIT TAGUMPAY AY HINDI MAWARI?
ANG BANGKITO'Y KANYANG PINAGMASDAN
SINIPAT NANG MASINSINAN.
NOON NABUKSAN ANG KAALAMAN
ITO PALA AY PATIBONG LAMANG.
SINUMANG DITO AY MAPAUPO
TIYAK PUSO AY MASISIPHAYO.
KALIGAYANG DULOT NITO
NAKAMAMATAY NG PAGKATAO.
KAYA BAGO PA TULUYANG MAKALIMUTAN
ANG PAGKATAONG INIINGATAN,
BANGKITO AY IIWANAN
ILALAGAY SA SULOK NG KARIMLAN.
