Taming a Lioness

TAL 3

Chapter 3

AFTER their meeting, Cassandra went out from the board room and goes straight to her private office. Pabagsak siyang naupo sa swivel chair at pumikit.

"Ma'am?" Dagling napamulat si Cassandra nang marinig ang boses ng kaniyang assistant at kasalukuyang nakasungaw ang ulo mula sa pinto na wari'y nanghihingi ng permiso na pumasok sa loob. Tinanguan ito ni Cassandra at umayos siya ng pagkaka-upo.

"Ma'am Cass, you have a lunch meeting with Prime Holders Corporation in Hyatt Hotel." hawak nito ang daily planner. Dyan nakatala ang listahan ng mga meetings, appointments, and activities ni Cassandra kapag nasa AGC siya. "Then at 3PM, finalization of our MRR project. After that, bidding for the land of Guazon's---"

Pinutol niya na ang sinasabi ng kaniyang assistant. "Guanzon?" napakunot-noo si Cassandra.  Hindi niya maalala ang pangalang nabanggit. Sa dami na rin siguro ng mini-meet niya bawat araw at sa bawat isang kompanya na hawak niya, hindi na halos rumerehistro sa isipan niya ang mga pangalan ng mga ito, lalo na kung irrelevant naman sa kinabibilangang kompaniya nito.

Minsan feeling ni Cassandra she's being abused. Ni pahinga minsan hindi na niya magawa. 'Yun bang makalanghap man lang siya ng sariwang hangin habang umiinom ng isang masarap na brewed coffee.

Ang dinami-dami niyang pera na pwedeng gastusin para makapag bakasyon pero ni hindi niya magawang makapag-relax man lang. Kahit yata magbakasyon siya habang buhay sa iba't ibang bansa makakaya ng pera niya na tustusan pa rin ang mga gastusin at luho. But look at her, still driving herself so hard para kumita pa ng pera. How ironic life is.

"The land owner in Lopez Province." pagkarinig ni Cassandra sa impormasyon ukol sa Guanzon, naalala na niya. Bidding mamaya dahil maraming developers ang interesado sa lupang iyon at kailangan na makuha ng AGC para sa pina-plano niyang pagde-develop dito.

"Is that would be all?" impatient niyang tanong. Sumasakit ang ulo ni Cassandra dahil ang dami niyang talagang gagawin ngayon.

"Yes, Ma'am Cass." bahagyang yumuko ito at lumabas na ng opisina niya.

Sumandal na muli si Cassandra at huminga ng malalim. Ang daming papeles na kasalukuyang nakapatong sa mesa niya. Puno na rin ang lagayan niya ng mga in's. At ang out? Bakante at aalog-alog.

Sinimulan ni Cassandra ang mga naghihintay ng pirma niya at approval para sa ilang nakabiting projects nang gambalain na naman siya ng katok. "Yes?" tanong niya nang maramdamang bumukas ang pinto, nanatiling nakaungo sa mga papales at hindi nag-abala na mag-taas ng tingin.

"A certain Mr. Dela Rosa wants to see you, Ma'am." napatuwid siya ng pagkaka-upo ng marinig ang sinabi nito.

"Send him in."

Tumayo si Cassandra at inayos ang bahagyang nalukot na damit. "Good morning, Miss Aragon."

Tumango siya at naglakad patungo sa kabilang side ng silid kung saan naroon ang receiving area. Gusto niyang mas makapag-usap sila ng maayos ng kaniyang bisita. "Any developments?" wala ng ligoy na tanong ni Cassandra nang kapwa makaupo sila ng magkatapat at may pagitan na maliit na table.

"Yes" inilabas ng kaniyang panauhin mula sa folder ang ilang papeles at iniabot sa kaniya. "Your accusations are indeed true."

Matamang binasa ni Cassandra ang mga hawak na papel, agad na napakunot-noo siya nang maintindihan ang nilalaman ng mga ito. They own several mansions here in the country, five to be exact. Na ng kwentahin ang halaga ng bawat isa mula lupa, cost ng mismong bahay at laman nito, ay aabot ng humigit kumulang na 50 million ang bawat isa. Bukod pa sa tatlong luxury cars na 10 million ang presyo bawat isa.