CHAPTER 12

6.6K 124 9
                                    

Paul’s POV

Hindi ako makapaniwala na sinasabi ni Aaliyah sa akin ngayon ang tungkol sa amnesia niya. Sure, I already knew about it but there was something behind her eyes that makes me want to listen to everything she had to say.

“About my dream…” she paused, collecting her thoughts. “I dreamt of a guy. Again.”

Tila naging bato ang buong katawan ko nang marinig ko iyon.

Ako kaya ang napanaginipan niya?

Kaya ba niya sinasabi sa akin ang tungkol dito sa ngayon ay dahil nakakaalala na siya?

Biglang nawala lahat ng pangamba ko nang muli siyang magsalita.

“Pero hindi ko nakikita ang mukha niya. Kanina, ‘yong panaginip ko ay siya na naman. Pero this time, may kasama na siyang babae,” pagpapatuloy niya. “At may dalawa ring rabbit na involved doon. One is black and the other is white.”

“A-anong nangyari sa panaginip mo?” tanong ko, habang pilit na inaalis ang pagiging utal ko.

“They were talking pero hindi ko narinig lahat. Or maybe hindi ko lang maalala ang mga sinabi nila. Pero the guy said one thing before I woke up.”

“Ano’ng sabi niya?” agarang tanong ko.

“Are you sure you want to know? It’s weird kasi,” nahihiyang pag-amin niya.

I nodded. Kasabay ng pagtango kong iyon ay ang pagbilis ng tibok ng puso ko.

“He told the girl that…”

“That?”

“She was the only one who can make his heart beat so fast.”

You’re the only one who can make my heart beat this fast. Pag-ulit ko sa isipan ko.

And it confirmed everything. Napapanaginipan niya ako. Does that mean she was already slowly getting her memories back?

Sana hindi. Ayoko pang makaalala siya. Or maybe… ayoko nang makaalala pa siya. Dahil ayoko nang maramdaman niya ulit ang galit na nararamdaman niya sa akin bago siya maaksidente. Ayoko nang maalala niyang nasaktan ko siya ng sobra. Dahil baka kapag nangyari ‘yon, hindi ko na makayanan pa ang magiging desisyon niya.

“Ang sweet no’ng lalaki, ‘no?” nakangiting saad niya. “Sino kaya siya? Kilala ko kaya siya?”

Ang lalaking tinutukoy mo… Ang lalaking laman ng mga panaginip mo… ay nasa harap mo lang. Ako ‘yon, Aaliyah.

Gustuhin ko mang sabihin ang mga ito sa kanya ay hindi ko rin naman magawa. Hindi ko alam kung ano ang mga magiging consequences na haharapin ko o naming dalawa sa oras na umamin ako sa kanya. Sa oras na sabihin ko sa kanya kung sino ako sa buhay niya.

“Hindi mo naman siguro siya mapapanaginipan kung hindi, ‘di ba?”

“Sabagay. Pero lalo lang akong naguluhan, e. Maybe he’s a part of my past.”

“He is,” wala sa sariling pahayag ko.

“W-what?”

Buti na lang at hindi niya iyon narinig nang maayos. Buti na lamang at mahinang lang pagkakasabi ko noon.

“Ang sabi ko, baka gusto mo munang maglakad-lakad tayo bago umalis?” Tumayo ako at saka kinuha ang jacket sa headrest ng kama ko.

“Mabuti pa nga,” pagsang-ayon naman niya. “Pero uubusin ko muna ‘to, okay? Sayang naman, e. Tsaka gutom na ako!” saad pa niya at saka muli nang sinimulang kainin ang binili kong pagkain para sa kanya.

Chasing Love (Sequel to Hopeless Love)Tahanan ng mga kuwento. Tumuklas ngayon