Way --- 4
"Kung andito ka man sa paligid, salamat ah."
*TUGSH*
May narinig akong naglalaglagan na gamit sa kanang bahagi ng corridor sa may hindi kalayuang locker. Nakita ko ang isang babae dun na sinisimot ang mga gamit nya habang tinutulungan sya ng isang lalaki.
"Ayos ka lang?" patuloy sa pagpulot yung lalaki sa gamit nung babae, "Sa susunod kasi mag-iingat ka, babe."
Ang sweet nilang tignan noh? Oo nga pala, yung babae maganda...
At yung lalaki, ex-boyfriend ko.
Tanda ko nung nakipagbreak sakin si Allen dati, tinanong ko sya kung bakit gusto nya ng itigil yung relationship namin, isa lang sinagot nya sakin.
"May iba na kasi akong gusto."
Ngayon, sa nakita ko at sa narinig ko, gets ko na yung sinabi nya dati. Babe pala ha? Maganda sya, bagay sila.
"Okay lang ako," sabi nung babae habang tumatayo na sila kasi napulot na nila yung mga gamit nito, inilagay nya lang ito sa loob ng locker nya at sinarhan na ito, "Tara na, babe."
"Sige, tara na." nakita kong umakbay pa si Allen dun sa babae at nagsimula na silang maglakad pero pagharap nila sakin, alam ko nakita ako ni Allen. Alam kong nagsalubong yung mga mata namin... alam ko, hindi ako bulag ni duling.
Pero inalis nya rin ang tingin nya at masaya syang nakipagusap sa girlfriend nya habang nakaakbay sya dito at naglalakad na sila paalis, sa direksyon ko ang labasan sa corridor kaya nadaanan nila ako.
"Bakit?" narinig kong tanong ni Allen.
"Eh kasi sabi ng pinsan ko ganun daw yun! Ang kulit nuh? hahaha!"
"Ang kulit nga! haha!" tumatawa sila, mukhang ang saya ng pinaguusapan nila.
Dumaan sila sakin, ah hindi pala, hindi sila dumaan sakin, nilagpasan pala nila ako. Bakit, anong sa tingin ko, titigil sila? Titigil si Allen? Bakit naman? Anong meron para tumigil sya sa harap ko? Ah, wala nga pala. Hindi nga pala kami magkakilala.
Pero nung dumaan sila sa tabi ko at naririnig ko yung masaya nilang tawanan, naiinggit ako. Nagseselos ako. Ganun ba kami dati ni Allen? Hindi siguro, hindi kami bagay eh. Sila, bagay sila. Bagay na bagay sila.
"Sana masaya sila sa isa't isa." naibulong ko na lang sa sarili ko yun habang pinapahid ko yung luha kong tumutulo sa mga mata ko.
----
BINABASA MO ANG
11 Ways to Forget your Ex-boyfriend.
Teen Fictionhaveyouseenthisgirlstories.com (SEQUEL INSIDE) Story: Moving on can't be done alone and Sena just found help from a mysterious sender. But who is it that gives her ways to forget her ex?
