ZBS#3: Yellow Beetle's Lost Memories (COMPLETED)

Chapter Six

Chapter Six

            "ARAY." Daing niya ng hindi niya maigalaw ang kaliwang braso niya. Akala niya ay namimintig lang iyon pero ng tingnan niya ay hindi lang pala iyon simpleng pamimintig. May malaking pasa doon na tila ba tumama siya sa isang matigas na bagay.

            "She's awake." Inilibot niya ang paningin sa buong silid, it's Rye's room. At hindi lang si Rye ang nandoon. Sinulyapan niya ang sarili mabuti nalang at suot pa rin niya ang damit ni Rye. "Chloe, are you okay? May nararamdaman ka bang kakaiba?"

            "I-I'm thirsty."

            "Water, yeah." Tarantang ibinigay nito sa kanya ang isang baso ng tubig na naubos kaagad niya. Pakiramdam niya ay tumakbo siya ng ilang kilometro sa ilalim ng init ng araw at uhaw na uhaw. "More?" tumango siya at binigyan nga siya nito ng isa pang baso. Ito naman ang nagpupunas sa ilang butil ng tubig na nakaalpas sa kanyang mga labi.

            "Okay lovers I need to talk to the patient." Ngayon lang niya nabigyang pansin ang lalaking kaharap nila. Rye covers her with the blanket hanggang sa mukha nalang niya ang makita. "Rye I am not going to steal your girl I am married."

            "Mabuti ng nakakasigurado." Inirapan lang niya ang lalaki.

            "What happened?" she asked.

            "Hinimatay ka, Miss-."

            "Chloe. Chloe Claire Santillan." Napatitig ito sa kanya.

            "Oh, the heiress." Umismid siya sa sinabi ng doctor. "Sorry." Hingi nito ng despensa sa kanya. "Okay Chloe," tiningnan nito ang papel na hawak nito. "Your sugar is too low, kung mas bababa pa you'll have hypoglycemia you need to take some sweets. Hindi rin sapat ang sustansya sa katawan mo. When was the last time you have a proper meal?"

            Nag-isang linya ang mga labi niya at pilit na inalala kung kailan iyong huling kain niya. "Answer him."

            "I can't remember but I ate."

            "And what are these usual eating habits that you have?"

            Kumunot ang noo niya. "Doc, it's not like this is the first time that happened. Kakain lang ako ng marami tapos hindi na muulit ito." Pinilit niyang huwag haluan ng pagkainis ang boses niya. "It's not like my eating pattern would kill me."