Not So Boy Next Door (COMPLETE)

Chapter 42: Suhol

Chapter 42: Suhol

 

Tahimik kaming kumakain ngayon. Kadalasan ay ganito naman kami. Hindi nag-iimikan. Pero iniisip ko na rin kasi ang paglipat ko ulit kina tita.

“Lola, sasama ka ba saakin ‘pag bumalik ako kay tita? Ang sabi niya kasi isama na kita para hindi na ako pabalik-balik dito kapag nag-aaral na ulit ako.”

“Parang pumupunta ka naman dito noon?”

“Lola naman, e!” Nginitian ako ni lola bago isinubo ang nasa kutsara niya. “Sasama ako pero alam na ba ito ng nobyo mo?”

“Okay lang yun sakanya. Saka sinabi ko naman na aayusin ko na ang requirements ko. Understood na po ‘yon.” Saka hindi ko na siya boyfriend. Hinayaan ko na siya. Bumalik nalang siya kay Pauline at magpakasaya silang dalawa. I’m born to be single anyway.

“Ang dami mo yatang kinakain ngayon?” Tanong pa ni lola saakin.

“Stressed lang po. Alam mo na, masyadong makukulit ang mga bata.” Palusot ko pa. Pero sa totoo lang nai-stress talaga ako kay D at Pauline. Mahal na nga nila ang isa’t isa pero pinapahirapan nila ang mga sarili nila. Kung hindi naman sila tanga na mandamay pa ng iba.

***

“Hindi ka ulit papasok bukas?” Tanong saakin ni Leonna nang i-abot ko sakanya ang tatlong piraso ng papel na naglalaman ng exercises.

“Kailangan ko kasing asikasuhin yung requirements ko. Saka baka magastos ko pa itong sweldo ko kaya ibibigay ko na muna kay tita. Siya kasi ang nagpapaaral saakin. Ayaw ko lang na siya lagi ang sumusuporta saakin lagi.”

“Kung titignan kang maigi parang hindi ka naman responsable. Pero hindi naman pala.” Nagkibit balikat pa ito at saka ipinatong ang mga papel sa table niya.

“Nanlalait ka ba o compliment ‘yan?

“Both. First and last school year mo na dito?”

“Ganun na nga.”

“Paano si Carding?” Tumingin pa siya sa kinauupuan ni D ngayon. Mukhang malalim ang iniisip nito at ang gulo rin ng pagkakasuot niya ng damit niya.

“He’ll be fine without me.”

“Hindi ka niya kinukulit ngayon, nagbreak na ba kayo? Hinayaan mo bang manalo yung nagkukunwaring mabait na si Pauline?”

“Leo, shut up. Pupuntahan ko na ang klase ko. Baka they’re loitering around nanaman.”

“JL, advice lang, hayaan mo lang si Pauline. Kasalanan naman niya kung bakit sila naghiwalay ni Carding at lalong huwag mo kaming pansinin ni Carding. Ako lang namilit sakanya. Saka parang gusto ka naman ni Carding.”

“Parang gusto? Gee thanks and bless your delusional heart, Leo.” Agad akong naglakad at hindi na ulit nilingon si Leo.  Para niyang sinabi saakin na nagseselos ako sakanila ni D. Duh!