HE'S INTO HER Season 1

CHAPTER 79

DEIB'S POV

Hindi ko alam kung panong nawala bigla ang pagkalito sa isip ko nung makausap ko si Taguro, ang gusto ko lang naman ay masabi ko sa kanya ang laman ng isip ko at makapagsorry sa kanya. Pero ewan ko kung bakit parang naging masyado akong natural at nawala lahat ang plano kong sabihin na nasa isip ko.

'Tch! Sino ba naman ang hindi mawawala sa sarili? Kabastusan ng bwisit na yun! Bugahan ba naman ako ng mabahong usok ng sigarilyo sa mismong mukha ko? Ano ako? Manok? Peste!'

Habang naglalakad ako palayo kay Taguro ay don na lang ulit bumalik sa reyalidad ang isip at nararamdaman ko. Puro tanong na naman ang isip ko at hindi ko alam kung paano ko uumpisahan ang sasabihin ko para malaman kung ano ba ang side ni Kim. Gusto kong makarinig ng isang magandang dahilan kung bakit niya ginawa yun kaya umabot sa ganito.

Kumatok muna ako sa room nila Kim bago pumasok, pero ako na rin ang nagbukas.

Hindi ko inaasahang ang bubungad sa akin ay ang wala pa ring humpay na tawanan ni Kim at Randall. Naglalaro sila sa laptop.

Nakaramdam ako ng inis! Oo! INIS at hindi selos. Inis ang nararamdaman ko dahil hindi ko alam kung paano niya pa nakukuwang makipagtawanan ng ganyan samantalang pinag-alala niya ako ng sobra. Nang sobra sobra.

Ang inaasahan ko, unang kita niya pa lang sa akin ay io-open niya na kung anong nangyari sa amin ni Taguro at kung bakit kami nagyakap? Inaasahan ko ring magagalit siya sa akin. Inaasahang kong magagalit siya dahil nandito siya ngayon sa ospital. Pero kung titignan mo siya ngayon, daig niya pa ang may sakit kaya naconfine at tuwang tuwa dahil maraming bumisita sa kanya.

Napatingin ako kay Noona at mukhang siya ang nagseselos, palihim siyang sumusulyap kay Kim at Randall na hindi man lang nakaramdam na pumasok ako, pero nung mapansin niya ako.

"Oh? Bakit ang tagal mo?" malakas na tanong ni Noona.

'Nagpaparinig 'to. Akala ko ba isa lang ang pinagseselosan niya?'

"May kinausap lang." mahinahong sagot ko. Tinignan ko lang siya saka ako tumingin ulit kila Kim, hindi niya pa rin ako napapansin.

"Nagsnack ka na?" si Noona pa rin.

"H-Hindi pa. Wala akong gana kumain."

"Kumain ka na muna dito, may food kaming binili ni Kez." sabi niya at saka nagprepare ng food ko.

'Silang dalawa ni Kez ang bumili? Edi naiwan si Kim at si Randall? Hindi, bumalik naman sila Lee at Tob dito e. Malamang bago pa bumili sila Noona nakabalik na dito sila Lee.'

Tumingin ako ulit kay Kim pero naglalaro pa rin sila sa laptop.

"Haha! Nakakainis ka naman Kuya. Ang dami daming customers oh!" malakas na sabi ni Kim.

"Oo nga pero ang dapat mong unahin ay etong mga egoy, kasi maikli ang pasensya nila sa game na 'to. Mabilis silang umalis! Hindi mo makukuwa yung goal money mo sige." si Randall.

"Hala! Ganon ba yun?"

"Oo, kailangan mo silang unahin, kapag naubos na yung egoy. Saka mo ilagay sa table at pagsilbihan ang mga puting customers hehe."

"Hala! Ang bilis nga nilang kumain!" sigaw ni Kim na napahawak pa sa bibig niya.

"Hahahaha di ba? Sabi sa iyo e."

Lalo akong nakaramdam ng inis.

"Kim nandito na si Deib." medyo mataas ang tonong sabi ni Lee na ikinagulat naman namin ni Tob. Kitang kita ko rin kung paanong nagulat si Kim pero pilit niyang hindi ipahalata.